সূক্ত 16

16.1

১২ ইরিম্বিষ্ঠিঃ কাণ্বঃ । ইন্দ্রঃ । গায়ত্রী ।

প্র সম্রাজং চর্ষণীনামিন্দ্রং স্তোতা নব্যং গীর্ভিঃ । নরং নৃষাহং মংহিষ্ঠম্ ॥১॥

যস্মিন্নুক্থানি রণ্যন্তি বিশ্বানি চ শ্রবস্যা । অপামবো ন সমুদ্রে ॥২॥

তং সুষ্টুত্যা বিবাসে জ্যেষ্ঠরাজং ভরে কৃত্নুম্ । মহো বাজিনং সনিভ্যঃ ॥৩॥

যস্যানূনা গভীরা মদা উরবস্তরুত্রাঃ । হর্ষুমন্তঃ শূরসাতৌ ॥৪॥

তমিদ্ধনেষু হিতেষ্বধিবাকায় হবন্তে । যেষামিন্দ্রস্তে জয়ন্তি ॥৫॥

তমিচ্চ্যৌত্নৈরার্যন্তি তং কৃতেভিশ্চর্ষণয়ঃ । এষ ইন্দ্রো বরিবস্কৃৎ ॥৬॥

ইন্দ্রো ব্রহ্মেন্দ্র ঋষিরিন্দ্রঃ পুরূ পুরুহূতঃ । মহান্মহীভিঃ শচীভিঃ ॥৭॥

স স্তোম্যঃ স হব্যঃ সত্যঃ সত্বা তুবিকূর্মিঃ । একশ্চিত্সন্নভিভূতিঃ ॥৮॥

তমর্কেভিস্তং সামভিস্তং গায়ত্রৈশ্চর্ষণয়ঃ । ইন্দ্রং বর্ধন্তি ক্ষিতয়ঃ ॥৯॥

প্রণেতারং বস্যো অচ্ছা কর্তারং জ্যোতিঃ সমত্সু । সাসহ্বাংসং যুধামিত্রান্ ॥১০॥

স নঃ পপ্রিঃ পারয়াতি স্বস্তি নাবা পুরুহূতঃ । ইন্দ্রো বিশ্বা অতি দ্বিষঃ ॥১১॥

স ত্বং ন ইন্দ্র বাজেভির্দশস্যা চ গাতুয়া চ । অচ্ছা চ নঃ সুম্নং নেষি ॥১২॥