সূক্ত 15

15.1

১৩ গোষূক্ত্যশ্বসূক্তিনৌ কাণ্বায়নৌ । ইন্দ্রঃ । উষ্ণিক্ ।

তম্বভি প্র গায়ত পুরুহূতং পুরুষ্টুতম্ । ইন্দ্রং গীর্ভিস্তবিষমা বিবাসত ॥১॥

15.2

যস্য দ্বিবর্হসো বৃহত্সহো দাধার রোদসী । গিরীঁরজ্রাঁ অপঃ স্বর্বৃষত্বনা ॥২॥

15.3

স রাজসি পুরুষ্টুতঁ একো বৃত্রাণি জিঘ্নসে । ইন্দ্র জৈত্রা শ্রবস্যা চ যন্তবে ॥৩॥

15.4

তং তে মদং গৃণীমসি বৃষণং পৃত্সু সাসহিম্ । উ লোককৃত্নুমদ্রিবো হরিশ্রিয়ম্ ॥৪॥

15.5

যেন জ্যোতীংষ্যায়বে মনবে চ বিবেদিথ । মন্দানো অস্য বর্হিষো বি রাজসি ॥৫॥

15.6

তদদ্যা চিত্ত উক্থিনোঽনু ষ্টুবন্তি পূর্বথা । বৃষপত্নীরপো জয়া দিবেদিবে ॥৬॥

15.7

তব ত্যদিন্দ্রিয়ং বৃহত্তব শুষ্মমুত ক্রতুম্ । বজ্রং শিশাতি ধিষণা বরেণ্যম্ ॥৭॥

15.8

তব দ্যৌরিন্দ্র পৌংস্যং পৃথিবী বর্ধতি শ্রবঃ । ত্বামাপঃ পর্বতাসশ্চ হিন্বিরে ॥৮॥

15.9

ত্বাং বিষ্ণুর্বৃহন্ক্ষয়ো মিত্রো গৃণাতি বরুণঃ । ত্বাং শর্ধো মদত্যনু মারুতম্ ॥৯॥

15.10

ত্বং বৃষা জনানাং মংহিষ্ঠ ইন্দ্র জজ্ঞিষে । সত্রা বিশ্বা স্বপত্যানি দধিষে ॥১০॥

15.11

সত্রা ত্বং পুরুষ্টুতঁ একো বৃত্রাণি তোশসে । নান্য ইন্দ্রাত্করণং ভূয় ইন্বতি ॥১১॥

15.12

যদিন্দ্র মন্মশস্ত্বা নানা হবন্ত ঊতয়ে । অস্মাকেভির্নৃভিরত্রা স্বর্জয় ॥১২॥

15.13

অরং ক্ষয়ায় নো মহে বিশ্বা রূপাণ্যাবিশন্ । ইন্দ্রং জৈত্রায় হর্ষয়া শচীপতিম্ ॥১৩॥