সূক্ত 98

98.1

৭ মৈত্রাবরুণির্বসিষ্ঠঃ। ইন্দ্রঃ, ৭ ইন্দ্রাবৃহস্পতী । ত্রিষ্টুপ্ ।

অধ্বর্যবোঽরুণং দুগ্ধমংশুং জুহোতন বৃষভায় ক্ষিতীনাম্ ।
গৌরাদ্বেদীয়াঁ অবপানমিন্দ্রো বিশ্বাহেদ্যাতি সুতসোমমিচ্ছন্ ॥১॥

98.2

যদ্দধিষে প্রদিবি চার্বন্নং দিবেদিবে পীতিমিদস্য বক্ষি ।
উত হৃদোত মনসা জুষাণ উশন্নিন্দ্র প্রস্থিতান্পাহি সোমান্ ॥২॥

98.3

জজ্ঞানঃ সোমং সহসে পপাথ প্র তে মাতা মহিমানমুবাচ ।
এন্দ্র পপ্রাথোর্ব১ন্তরিক্ষং যুধা দেবেভ্যো বরিবশ্চকর্থ ॥৩॥

98.4

যদ্যোধয়া মহতো মন্যমানান্ত্সাক্ষাম তান্বাহুভিঃ শাশদানান্ ।
যদ্বা নৃভির্বৃত ইন্দ্রাভিয়ুধ্যাস্তং ত্বয়াজিং সৌশ্রবসং জয়েম ॥৪॥

98.5

প্রেন্দ্রস্য বোচং প্রথমা কৃতানি প্র নূতনা মঘবা যা চকার ।
যদেদদেবীরসহিষ্ট মায়া অথাভবত্কেবলঃ সোমো অস্য ॥৫॥

98.6

তবেদং বিশ্বমভিতঃ পশব্যং১ যত্পশ্যসি চক্ষসা সূর্যস্য ।
গবামসি গোপতিরেক ইন্দ্র ভক্ষীমহি তে প্রয়তস্য বস্বঃ ॥৬॥

98.7

বৃহস্পতে যুবমিন্দ্রশ্চ বস্বো দিব্যস্যেশাথে উত পার্থিবস্য ।
ধত্তং রয়িং স্তুবতে কীরয়ে চিদ্যূয়ং পাত স্বস্তিভিঃ সদা নঃ ॥৭॥