সূক্ত 83

83.1

১০ মৈত্রাবরুণির্বসিষ্ঠঃ। ইন্দ্রাবরুণৌ ।জগতী ।

যুবাং নরা পশ্যমানাস আপ্যং প্রাচা গব্যন্তঃ পৃথুপর্শবো যয়ুঃ ।
দাসা চ বৃত্রা হতমার্যাণি চ সুদাসমিন্দ্রাবরুণাবসাবতম্ ॥১॥

83.2

যত্রা নরঃ সময়ন্তে কৃতধ্বজো যস্মিন্নাজা ভবতি কিং চন প্রিয়ম্ ।
যত্রা ভয়ন্তে ভুবনা স্বর্দৃশস্তত্রা ন ইন্দ্রাবরুণাধি বোচতম্ ॥২॥

83.3

সং ভূম্যা অন্তা ধ্বসিরা অদৃক্ষতেন্দ্রাবরুণা দিবি ঘোষ
আরুহৎ । অস্থুর্জনানামুপ মামরাতয়োঽর্বাগবসা হবনশ্রুতা গতম্ ॥৩॥

83.4

ইন্দ্রাবরুণা বধনাভিরপ্রতি ভেদং বন্বন্তা প্র সুদাসমাবতম্ ।
ব্রহ্মাণ্যেষাং শৃণুতং হবীমনি সত্যা তৃত্সূনামভবত্পুরোহিতিঃ ॥৪॥

83.5

ইন্দ্রাবরুণাবভ্যা তপন্তি মাঘান্যর্যো বনুষামরাতয়ঃ ।
যুবং হি বস্ব উভয়স্য রাজথোঽধ স্মা নোঽবতং পার্যে দিবি ॥৫॥

83.6

যুবাং হবন্ত উভয়াস আজিষ্বিন্দ্রং চ বস্বো বরুণং চ সাতয়ে ।
যত্র রাজভির্দশভির্নিবাধিতং প্র সুদাসমাবতং তৃত্সুভিঃ সহ ॥৬॥

83.7

দশ রাজানঃ সমিতা অয়জ্যবঃ সুদাসমিন্দ্রাবরুণা ন যুয়ুধুঃ ।
সত্যা নৃণামদ্মসদামুপস্তুতির্দেবা এষামভবন্দেবহূতিষু ॥৭॥

83.8

দাশরাজ্ঞে পরিয়ত্তায় বিশ্বতঃ সুদাস ইন্দ্রাবরুণাবশিক্ষতম্ ।
শ্বিত্যঞ্চো যত্র নমসা কপর্দিনো ধিয়া ধীবন্তো অসপন্ত তৃত্সবঃ ॥৮॥

83.9

বৃত্রাণ্যন্যঃ সমিথেষু জিঘ্নতে ব্রতান্যন্যো অভি রক্ষতে সদা ।
হবামহে বাং বৃষণা সুবৃক্তিভিরস্মে ইন্দ্রাবরুণা শর্ম যচ্ছতম্ ॥৯॥

83.10

অস্মে ইন্দ্রো বরুণো মিত্রো অর্যমা দ্যুম্নং যচ্ছন্তু মহি শর্ম সপ্রথঃ ।
অবধ্রং জ্যোতিরদিতেৠতাবৃধো দেবস্য শ্লোকং সবিতুর্মনামহে ॥১০॥