সূক্ত 84

84.1

৫ মৈত্রাবরুণির্বসিষ্ঠঃ। ইন্দ্রাবরুণৌ । ত্রিষ্টুপ্ ।

আ বাং রাজানাবধ্বরে ববৃত্যাং হব্যেভিরিন্দ্রাবরুণা নমোভিঃ ।
প্র বাং ঘৃতাচী বাহ্বোর্দধানা পরি ত্মনা বিষুরূপা জিগাতি ॥১॥

84.2

যুবো রাষ্ট্রং বৃহদিন্বতি দ্যৌর্যৌ সেতৃভিররজ্জুভিঃ সিনীথঃ ।
পরি নো হেলো বরুণস্য বৃজ্যা উরুং ন ইন্দ্রঃ কৃণবদু লোকম্ ॥২॥

84.3

কৃতং নো যজ্ঞং বিদথেষু চারুং কৃতং ব্রহ্মাণি সূরিষু প্রশস্তা ।
উপো রয়ির্দেবজূতো ন এতু প্র ণঃ স্পার্হাভিরূতিভিস্তিরেতম্ ॥৩॥

84.4

অস্মে ইন্দ্রাবরুণা বিশ্ববারং রয়িং ধত্তং বসুমন্তং পুরুক্ষুম্ ।
প্র য আদিত্যো অনৃতা মিনাত্যমিতা শূরো দয়তে বসূনি ॥৪॥

84.5

ইয়মিন্দ্রং বরুণমষ্ট মে গীঃ প্রাবত্তোকে তনয়ে তূতুজানা ।
সুরত্নাসো দেববীতিং গমেম যূয়ং পাত স্বস্তিভিঃ সদা নঃ ॥৫॥