সূক্ত 81

81.1

৬ মৈত্রাবরুণির্বসিষ্ঠঃ। উষসঃ ।প্রগাথঃ=(বিষমা বৃহতী, সমা সতোবৃহতী )।

প্রত্যু অদর্শ্যায়ত্যু১চ্ছন্তী দুহিতা দিবঃ ।
অপো মহি ব্যয়তি চক্ষসে তমো জ্যোতিষ্কৃণোতি সূনরী ॥১॥

81.2

উদুস্রিয়াঃ সৃজতে সূর্যঃ সচাঁ উদ্যন্নক্ষত্রমর্চিবৎ ।
তবেদুষো ব্যুষি সূর্যস্য চ সং ভক্তেন গমেমহি ॥২॥

81.3

প্রতি ত্বা দুহিতর্দিব উষো জীরা অভুত্স্মহি ।
যা বহসি পুরু স্পার্হং বনন্বতি রত্নং ন দাশুষে ময়ঃ ॥৩॥

81.4

উচ্ছন্তী যা কৃণোষি মংহনা মহি প্রখ্যৈ দেবি স্বর্দৃশে ।
তস্যাস্তে রত্নভাজ ঈমহে বয়ং স্যাম মাতুর্ন সূনবঃ ॥৪॥

81.5

তচ্চিত্রং রাধ আ ভরোষো যদ্দীর্ঘশ্রুত্তমম্ ।
যত্তে দিবো দুহিতর্মর্তভোজনং তদ্রাস্ব ভুনজামহৈ ॥৫॥

81.6

শ্রবঃ সূরিভ্যো অমৃতং বসুত্বনং বাজাঁ অস্মভ্যং গোমতঃ ।
চোদয়িত্রী মঘোনঃ সূনৃতাবত্যুষা উচ্ছদপ স্রিধঃ ॥৬॥