সূক্ত 80

80.1

৩ মৈত্রাবরুণির্বসিষ্ঠঃ। উষসঃ । ত্রিষ্টুপ্ ।

প্রতি স্তোমেভিরুষসং বসিষ্ঠা গীর্ভির্বিপ্রাসঃ প্রথমা অবুধ্রন্ ।
বিবর্তয়ন্তীং রজসী সমন্তে আবিষ্কৃণ্বতীং ভুবনানি বিশ্বা ॥১॥

80.2

এষা স্যা নব্যমায়ুর্দধানা গূঢ্বী তমো জ্যোতিষোষা অবোধি ।
অগ্র এতি যুবতিরহ্রয়াণা প্রাচিকিতত্সূর্যং যজ্ঞমগ্নিম্ ॥২॥

80.3

অশ্বাবতীর্গোমতীর্ন উষাসো বীরবতীঃ সদমুচ্ছন্তু ভদ্রাঃ ।
ঘৃতং দুহানা বিশ্বতঃ প্রপীতা যূয়ং পাত স্বস্তিভিঃ সদা নঃ ॥৩॥