সূক্ত 79

79.1

৫ মৈত্রাবরুণির্বসিষ্ঠঃ। উষসঃ । ত্রিষ্টুপ্ ।

ব্যু১ষা আবঃ পথ্যা৩ জনানাং পঞ্চ ক্ষিতীর্মানুষীর্বোধয়ন্তী ।
সুসংদৃগ্ভিরুক্ষভির্ভানুমশ্রেদ্বি সূর্যো রোদসী চক্ষসাবঃ ॥১॥

ব্যঞ্জতে দিবো অন্তেষ্বক্তূন্বিশো ন যুক্তা উষসো যতন্তে ।
সং তে গাবস্তম আ বর্তয়ন্তি জ্যোতির্যচ্ছন্তি সবিতেব বাহূ ॥২॥

অভূদুষা ইন্দ্রতমা মঘোন্যজীজনত্সুবিতায় শ্রবাংসি ।
বি দিবো দেবী দুহিতা দধাত্যঙ্গিরস্তমা সুকৃতে বসূনি ॥৩॥

তাবদুষো রাধো অস্মভ্যং রাস্ব যাবত্স্তোতৃভ্যো অরদো গৃণানা ।
যাং ত্বা জজ্ঞুর্বৃষভস্যা রবেণ বি দৃল্হস্য দুরো অদ্রেরৌর্ণোঃ ॥৪॥

দেবংদেবং রাধসে চোদয়ন্ত্যস্মদ্র্যক্সূনৃতা ঈরয়ন্তী ।
ব্যুচ্ছন্তী নঃ সনয়ে ধিয়ো ধা যূয়ং পাত স্বস্তিভিঃ সদা নঃ ॥৫॥