সূক্ত 78

78.1

৫ মৈত্রাবরুণির্বসিষ্ঠঃ। উষসঃ । ত্রিষ্টুপ্ ।

প্রতি কেতবঃ প্রথমা অদৃশ্রন্নূর্ধ্বা অস্যা অঞ্জয়ো বি শ্রয়ন্তে ।
উষো অর্বাচা বৃহতা রথেন জ্যোতিষ্মতা বামমস্মভ্যং বক্ষি ॥১॥

78.2

প্রতি ষীমগ্নির্জরতে সমিদ্ধঃ প্রতি বিপ্রাসো মতিভির্গৃণন্তঃ ।
উষা যাতি জ্যোতিষা বাধমানা বিশ্বা তমাংসি দুরিতাপ দেবী ॥২॥

78.3

এতা উ ত্যাঃ প্রত্যদৃশ্রন্পুরস্তাজ্জ্যোতির্যচ্ছন্তীরুষসো বিভাতীঃ ।
অজীজনন্ত্সূর্যং যজ্ঞমগ্নিমপাচীনং তমো অগাদজুষ্টম্ ॥৩॥

78.4

অচেতি দিবো দুহিতা মঘোনী বিশ্বে পশ্যন্ত্যুষসং বিভাতীম্ ।
আস্থাদ্রথং স্বধয়া যুজ্যমানমা যমশ্বাসঃ সুয়ুজো বহন্তি ॥৪॥

78.5

প্রতি ত্বাদ্য সুমনসো বুধন্তাঽস্মাকাসো মঘবানো বয়ং চ ।
তিল্বিলায়ধ্বমুষসো বিভাতীর্যূয়ং পাত স্বস্তিভিঃ সদা নঃ ॥৫॥