সূক্ত 70

70.1

৭ মৈত্রাবরুণির্বসিষ্ঠঃ। অশ্বিনৌ । ত্রিষ্টুপ্ ।

আ বিশ্ববারাশ্বিনা গতং নঃ প্র তত্স্থানমবাচি বাং পৃথিব্যাম্ ।
অশ্বো ন বাজী শুনপৃষ্ঠো অস্থাদা যত্সেদথুর্ধ্রুবসে ন যোনিম্ ॥১॥

70.2

সিষক্তি সা বাং সুমতিশ্চনিষ্ঠাঽতাপি ঘর্মো মনুষো দুরোণে ।
যো বাং সমুদ্রান্ত্সরিতঃ পিপর্ত্যেতগ্বা চিন্ন সুয়ুজা যুজানঃ ॥২॥

70.3

যানি স্থানান্যশ্বিনা দধাথে দিবো যহ্বীষ্বোষধীষু বিক্ষু ।
নি পর্বতস্য মূর্ধনি সদন্তেষং জনায় দাশুষে বহন্তা ॥৩॥

70.4

চনিষ্টং দেবা ওষধীষ্বপ্সু যদ্যোগ্যা অশ্নবৈথে ঋষীণাম্ ।
পুরূণি রত্না দধতৌ ন্য১স্মে অনু পূর্বাণি চখ্যথুর্যুগানি ॥৪॥

70.5

শুশ্রুবাংসা চিদশ্বিনা পুরূণ্যভি ব্রহ্মাণি চক্ষাথে ঋষীণাম্ ।
প্রতি প্র যাতং বরমা জনায়াঽস্মে বামস্তু সুমতিশ্চনিষ্ঠা ॥৫॥

70.6

যো বাং যজ্ঞো নাসত্যা হবিষ্মান্কৃতব্রহ্মা সমর্যো৩ ভবাতি ।
উপ প্র যাতং বরমা বসিষ্ঠমিমা ব্রহ্মাণ্যৃচ্যন্তে যুবভ্যাম্ ॥৬॥

70.7

ইয়ং মনীষা ইয়মশ্বিনা গীরিমাং সুবৃক্তিং বৃষণা জুষেথাম্ ।
ইমা ব্রহ্মাণি যুবয়ূন্যগ্মন্যূয়ং পাত স্বস্তিভিঃ সদা নঃ ॥৭॥