সূক্ত 68

68.1

৯ মৈত্রাবরুণির্বসিষ্ঠঃ। অশ্বিনৌ।বিরাট্, ৮-৯ ত্রিষ্টুপ্ ।

আ শুভ্রা যাতমশ্বিনা স্বশ্বা গিরো দস্রা জুজুষাণা যুবাকোঃ । হব্যানি চ প্রতিভৃতা বীতং নঃ ॥১॥

প্র বামন্ধাংসি মদ্যান্যস্থুররং গন্তং হবিষো বীতয়ে মে । তিরো অর্যো হবনানি শ্রুতং নঃ ॥২॥

প্র বাং রথো মনোজবা ইয়র্তি তিরো রজাংস্যশ্বিনা শতোতিঃ । অস্মভ্যং সূর্যাবসূ ইয়ানঃ ॥৩॥

অয়ং হ যদ্বাং দেবয়া উ অদ্রিরূর্ধ্বো বিবক্তি সোমসুদ্যুবভ্যাম্ । আ বল্গূ বিপ্রো ববৃতীত হব্যৈঃ ॥৪॥

চিত্রং হ যদ্বাং ভোজনং ন্বস্তি ন্যত্রয়ে মহিষ্বন্তং যুয়োতম্ । যো বামোমানং দধতে প্রিয়ঃ সন্ ॥৫॥

উত ত্যদ্বাং জুরতে অশ্বিনা ভূচ্চ্যবানায় প্রতীত্যং হবির্দে । অধি যদ্বর্প ইতঊতি ধত্থঃ ॥৬॥

উত ত্যং ভুজ্যুমশ্বিনা সখায়ো মধ্যে জহুর্দুরেবাসঃ সমুদ্রে । নিরীং পর্ষদরাবা যো যুবাকুঃ ॥৭॥

বৃকায় চিজ্জসমানায় শক্তমুত শ্রুতং শয়বে হূয়মানা ।
যাবঘ্ন্যামপিন্বতমপো ন স্তর্যং চিচ্ছক্ত্যশ্বিনা শচীভিঃ ॥৮॥

এষ স্য কারুর্জরতে সূক্তৈরগ্রে বুধান উষসাং সুমন্মা ।
ইষা তং বর্ধদঘ্ন্যা পয়োভির্যূয়ং পাত স্বস্তিভিঃ সদা নঃ ॥৯॥