সূক্ত 4

4.1

১০ মৈত্রাবরুণির্বসিষ্ঠঃ।অগ্নিঃ । ত্রিষ্টুপ্ ।

প্র বঃ শুক্রায় ভানবে ভরধ্বং হব্যং মতিং চাগ্নয়ে সুপূতম্ ।
যো দৈব্যানি মানুষা জনূংষ্যন্তর্বিশ্বানি বিদ্মনা জিগাতি ॥১॥

4.2

স গৃত্সো অগ্নিস্তরুণশ্চিদস্তু যতো যবিষ্ঠো অজনিষ্ট মাতুঃ ।
সং যো বনা যুবতে শুচিদন্ভূরি চিদন্না সমিদত্তি সদ্যঃ ॥২॥

4.3

অস্য দেবস্য সংসদ্যনীকে যং মর্তাসঃ শ্যেতং জগৃভ্রে ।
নি যো গৃভং পৌরুষেয়ীমুবোচ দুরোকমগ্নিরায়বে শুশোচ ॥৩॥

4.4

অয়ং কবিরকবিষু প্রচেতা মর্তেষ্বগ্নিরমৃতো নি ধায়ি ।
স মা নো অত্র জুহুরঃ সহস্বঃ সদা ত্বে সুমনসঃ স্যাম ॥৪॥

4.5

আ যো যোনিং দেবকৃতং সসাদ ক্রত্বা হ্য১গ্নিরমৃতাঁ অতারীৎ ।
তমোষধীশ্চ বনিনশ্চ গর্ভং ভূমিশ্চ বিশ্বধায়সং বিভর্তি ॥৫॥

4.6

ঈশে হ্য১গ্নিরমৃতস্য ভূরেরীশে রায়ঃ সুবীর্যস্য দাতোঃ ।
মা ত্বা বয়ং সহসাবন্নবীরা মাপ্সবঃ পরি ষদাম মাদুবঃ ॥৬॥

4.7

পরিষদ্যং হ্যরণস্য রেক্ণো নিত্যস্য রায়ঃ পতয়ঃ স্যাম ।
ন শেষো অগ্নে অন্যজাতমস্ত্যচেতানস্য মা পথো বি দুক্ষঃ ॥৭॥

4.8

নহি গ্রভায়ারণঃ সুশেবোঽন্যোদর্যো মনসা মন্তবা উ ।
অধা চিদোকঃ পুনরিত্স এত্যা ঽঽনো বাজ্যভীষালেতু নব্যঃ ॥৮॥

4.9

ত্বমগ্নে বনুষ্যতো নি পাহি ত্বমু নঃ সহসাবন্নবদ্যাৎ ।
সং ত্বা ধ্বস্মন্বদভ্যেতু পাথঃ সং রয়িঃ স্পৃহয়ায্যঃ সহস্রী ॥৯॥

4.10

এতা নো অগ্নে সৌভগা দিদীহ্যপি ক্রতুং সুচেতসং বতেম ।
বিশ্বা স্তোতৃভ্যো গৃণতে চ সন্তু যূয়ং পাত স্বস্তিভিঃ সদা নঃ ॥১০॥