সূক্ত 3

3.1

১০ মৈত্রাবরুণির্বসিষ্ঠঃ। অগ্নিঃ । ত্রিষ্টুপ্ ।

অগ্নিং বো দেবমগ্নিভিঃ সজোষা যজিষ্ঠং দূতমধ্বরে কৃণুধ্বম্ ।
যো মর্ত্যেষু নিধ্রুবিৠতাবা তপুর্মূর্ধা ঘৃতান্নঃ পাবকঃ ॥১॥

3.2

প্রোথদশ্বো ন যবসেঽবিষ্যন্যদা মহঃ সংবরণাদ্ব্যস্থাৎ ।
আদস্য বাতো অনু বাতি শোচিরধ স্ম তে ব্রজনং কৃষ্ণমস্তি ॥২॥

3.3

উদ্যস্য তে নবজাতস্য বৃষ্ণোঽগ্নে চরন্ত্যজরা ইধানাঃ ।
অচ্ছা দ্যামরুষো ধূম এতি সং দূতো অগ্ন ঈয়সে হি দেবান্ ॥৩॥

3.4

বি যস্য তে পৃথিব্যাং পাজো অশ্রেত্তৃষু যদন্না সমবৃক্ত জম্ভৈঃ ।
সেনেব সৃষ্টা প্রসিতিষ্ট এতি যবং ন দস্ম জুহ্বা বিবেক্ষি ॥৪॥

3.5

তমিদ্দোষা তমুষসি যবিষ্ঠমগ্নিমত্যং ন মর্জয়ন্ত নরঃ ।
নিশিশানা অতিথিমস্য যোনৌ দীদায় শোচিরাহুতস্য বৃষ্ণঃ ॥৫॥

3.6

সুসংদৃক্তে স্বনীক প্রতীকং বি যদ্রুক্মো ন রোচস উপাকে ।
দিবো ন তে তন্যতুরেতি শুষ্মশ্চিত্রো ন সূরঃ প্রতি চক্ষি ভানুম্ ॥৬॥

3.7

যথা বঃ স্বাহাগ্নয়ে দাশেম পরীলাভির্ঘৃতবদ্ভিশ্চ হব্যৈঃ ।
তেভির্নো অগ্নে অমিতৈর্মহোভিঃ শতং পূর্ভিরায়সীভির্নি পাহি ॥৭॥

3.8

যা বা তে সন্তি দাশুষে অধৃষ্টা গিরো বা যাভির্নৃবতীরুরুষ্যাঃ ।
তাভির্নঃ সূনো সহসো নি পাহি স্মত্সূরীঞ্জরিতৄঞ্জাতবেদঃ ॥৮॥

3.9

নির্যত্পূতেব স্বধিতিঃ শুচির্গাত্স্বয়া কৃপা তন্বা৩ রোচমানঃ ।
আ যো মাত্রোরুশেন্যো জনিষ্ট দেবয়জ্যায় সুক্রতুঃ পাবকঃ ॥৯॥

3.10

এতা নো অগ্নে সৌভগা দিদীহ্যপি ক্রতুং সুচেতসং বতেম ।
বিশ্বা স্তোতৃভ্যো গৃণতে চ সন্তু যূয়ং পাত স্বস্তিভিঃ সদা নঃ ॥১০॥