সূক্ত 36

36.1

৯ মৈত্রাবরুণির্বসিষ্ঠঃ। বিশ্বে দেবাঃ । ত্রিষ্টুপ্ ।

প্র ব্রহ্মৈতু সদনাদৃতস্য বি রশ্মিভিঃ সসৃজে সূর্যো গাঃ ।
বি সানুনা পৃথিবী সস্র উর্বী পৃথু প্রতীকমধ্যেধে অগ্নিঃ ॥১॥

36.2

ইমাং বাং মিত্রাবরুণা সুবৃক্তিমিষং ন কৃণ্বে অসুরা নবীয়ঃ ।
ইনো বামন্যঃ পদবীরদব্ধো জনং চ মিত্রো যততি ব্রুবাণঃ ॥২॥

36.3

আ বাতস্য ধ্রজতো রন্ত ইত্যা অপীপয়ন্ত ধেনবো ন সূদাঃ ।
মহো দিবঃ সদনে জায়মানোঽচিক্রদদ্বৃষভঃ সস্মিন্নূধন্ ॥৩॥

36.4

গিরা য এতা যুনজদ্ধরী ত ইন্দ্র প্রিয়া সুরথা শূর ধায়ূ ।
প্র যো মন্যুং রিরিক্ষতো মিনাত্যা সুক্রতুমর্যমণং ববৃত্যাম্ ॥৪॥

36.5

যজন্তে অস্য সখ্যং বয়শ্চ নমস্বিনঃ স্ব ঋতস্য ধামন্ ।
বি পৃক্ষো বাবধে নৃভিঃ স্তবান ইদং নমো রুদ্রায় প্রেষ্ঠম্ ॥৫॥

36.6

আ যত্সাকং যশসো বাবশানাঃ সরস্বতী সপ্তথী সিন্ধুমাতা ।
যাঃ সুষ্বয়ন্ত সুদুঘাঃ সুধারা অভি স্বেন পয়সা পীপ্যানাঃ ॥৬॥

36.7

উত ত্যে নো মরুতো মন্দসানা ধিয়ং তোকং চ বাজিনোঽবন্তু ।
মা নঃ পরি খ্যদক্ষরা চরন্ত্যবীবৃধন্যুজ্যং তে রয়িং নঃ ॥৭॥

36.8

প্র বো মহীমরমতিং কৃণুধ্বং প্র পূষণং বিদথ্যং১ ন বীরম্ ।
ভগং ধিয়োঽবিতারং নো অস্যাঃ সাতৌ বাজং রাতিষাচং পুরংধিম্ ॥৮॥

36.9

অচ্ছায়ং বো মরুতঃ শ্লোক এত্বচ্ছা বিষ্ণুং নিষিক্তপামবোভিঃ ।
উত প্রজায়ৈ গৃণতে বয়ো ধুর্যূয়ং পাত স্বস্তিভিঃ সদা নঃ ॥৯॥