সূক্ত 34

34.1

২৫ মৈত্রাবরুণির্বসিষ্ঠঃ।বিশ্বে দেবাঃ, ১৬ অহিঃ, ১৭ অহির্বুধ্ন্যঃ।দ্বিপদা বিরাট্ ,২২-২৫ ত্রিষ্টুপ্ ।

প্র শুক্রৈতু দেবী মনীষা অস্মত্সুতষ্টো রথো ন বাজী ॥১॥

34.2

বিদুঃ পৃথিব্যা দিবো জনিত্রং শৃণ্বন্ত্যাপো অধ ক্ষরন্তীঃ ॥২॥

34.3

আপশ্চিদস্মৈ পিন্বন্ত পৃথ্বীর্বৃত্রেষু শূরা মংসন্ত উগ্রাঃ ॥৩॥

34.4

আ ধূর্ষ্বস্মৈ দধাতাশ্বানিন্দ্রো ন বজ্রী হিরণ্যবাহুঃ ॥৪॥

34.5

অভি প্র স্থাতাহেব যজ্ঞং যাতেব পত্মন্ত্মনা হিনোত ॥৫॥

34.6

ত্মনা সমত্সু হিনোত যজ্ঞং দধাত কেতুং জনায় বীরম্ ॥৬॥

34.7

উদস্য শুষ্মাদ্ভানুর্নার্ত বিভর্তি ভারং পৃথিবী ন ভূম ॥৭॥

34.8

হ্বয়ামি দেবাঁ অয়াতুরগ্নে সাধন্নৃতেন ধিয়ং দধামি ॥৮॥

34.9

অভি বো দেবীং ধিয়ং দধিধ্বং প্র বো দেবত্রা বাচং কৃণুধ্বম্ ॥৯॥

34.10

আ চষ্ট আসাং পাথো নদীনাং বরুণ উগ্রঃ সহস্রচক্ষাঃ ॥১০॥

34.11

রাজা রাষ্ট্রানাং পেশো নদীনামনুত্তমস্মৈ ক্ষত্রং বিশ্বায়ু ॥১১॥

34.12

অবিষ্টো অস্মান্বিশ্বাসু বিক্ষ্বদ্যুং কৃণোত শংসং নিনিত্সোঃ ॥১২॥

34.13

ব্যেতু দিদ্যুদ্দ্বিষামশেবা যুয়োত বিষ্বগ্রপস্তনূনাম্ ॥১৩॥

34.14

অবীন্নো অগ্নির্হব্যান্নমোভিঃ প্রেষ্ঠো অস্মা অধায়ি স্তোমঃ ॥১৪॥

34.15

সজূর্দেবেভিরপাং নপাতং সখায়ং কৃধ্বং শিবো নো অস্তু ॥১৫॥

34.16

অব্জামুক্থৈরহিং গৃণীষে বুধ্নে নদীনাং রজঃ সু ষীদন্ ॥১৬॥

34.17

মা নোঽহির্বুধ্ন্যো রিষে ধান্মা যজ্ঞো অস্য স্রিধদৃতায়োঃ ॥১৭॥

34.18

উত ন এষু নৃষু শ্রবো ধুঃ প্র রায়ে যন্তু শর্ধন্তো অর্যঃ ॥১৮॥

34.19

তপন্তি শত্রুং স্ব১র্ণ ভূমা মহাসেনাসো অমেভিরেষাম্ ॥১৯॥

34.20

আ যন্নঃ পত্নীর্গমন্ত্যচ্ছা ত্বষ্টা সুপাণির্দধাতু বীরান্ ॥২০॥

34.21

প্রতি নঃ স্তোমং ত্বষ্টা জুষেত স্যাদস্মে অরমতির্বসূয়ুঃ ॥২১॥

34.22

তা নো রাসন্রাতিষাচো বসূন্যা রোদসী বরুণানী শৃণোতু ।
বরূত্রীভিঃ সুশরণো নো অস্তু ত্বষ্টা সুদত্রো বি দধাতু রায়ঃ ॥২২॥

34.23

তন্নো রায়ঃ পর্বতাস্তন্ন আপস্তদ্রাতিষাচ ওষধীরুত দ্যৌঃ ।
বনস্পতিভিঃ পৃথিবী সজোষা উভে রোদসী পরি পাসতো নঃ ॥২৩॥

34.24

অনু তদুর্বী রোদসী জিহাতামনু দ্যুক্ষো বরুণ ইন্দ্রসখা । অ
নু বিশ্বে মরুতো যে সহাসো রায়ঃ স্যাম ধরুণং ধিয়ধ্যৈ ॥২৪॥

34.25

তন্ন ইন্দ্রো বরুণো মিত্রো অগ্নিরাপ ওষধীর্বনিনো জুষন্ত ।
শর্মন্ত্স্যাম মরুতামুপস্থে যূয়ং পাত স্বস্তিভিঃ সদা নঃ ॥২৫॥