সূক্ত 101

101.1

৬ মৈত্রাবরুণির্বসিষ্ঠঃ। (বৃষ্টিকাম ), কুমার আগ্নেয়ো বা ।পর্জন্যঃ। ত্রিষ্টুপ্ ।

তিস্রো বাচঃ প্র বদ জ্যোতিরগ্রা যা এতদ্দুহ্রে মধুদোঘমূধঃ ।
স বত্সং কৃণ্বন্গর্ভমোষধীনাং সদ্যো জাতো বৃষভো রোরবীতি ॥১॥

101.2

যো বর্ধন ওষধীনাং যো অপাং যো বিশ্বস্য জগতো দেব ঈশে ।
স ত্রিধাতু শরণং শর্ম যংসত্ত্রিবর্তু জ্যোতিঃ স্বভিষ্ট্য১স্মে ॥২॥

101.3

স্তরীরু ত্বদ্ভবতি সূত উ ত্বদ্যথাবশং তন্বং চক্র এষঃ ।
পিতুঃ পয়ঃ প্রতি গৃভ্ণাতি মাতা তেন পিতা বর্ধতে তেন পুত্রঃ ॥৩॥

101.4

যস্মিন্বিশ্বানি ভুবনানি তস্থুস্তিস্রো দ্যাবস্ত্রেধা সস্রুরাপঃ ।
ত্রয়ঃ কোশাস উপসেচনাসো মধ্বঃ শ্চোতন্ত্যভিতো বিরপ্শম্ ॥৪॥

101.5

ইদং বচঃ পর্জন্যায় স্বরাজে হৃদো অস্ত্বন্তরং তজ্জুজোষৎ ।
ময়োভুবো বৃষ্টয়ঃ সন্ত্বস্মে সুপিপ্পলা ওষধীর্দেবগোপাঃ ॥৫॥

101.6

স রেতোধা বৃষভঃ শশ্বতীনাং তস্মিন্নাত্মা জগতস্তস্থুষশ্চ ।
তন্ম ঋতং পাতু শতশারদায় যূয়ং পাত স্বস্তিভিঃ সদা নঃ ॥৬॥