সূক্ত 100

100.1

৭ মৈত্রাবরুণির্বসিষ্ঠঃ। বিষ্ণুঃ। ত্রিষ্টুপ্ ।

নূ মর্তো দয়তে সনিষ্যন্যো বিষ্ণব উরুগায়ায় দাশৎ ।
প্র যঃ সত্রাচা মনসা যজাত এতাবন্তং নর্যমাবিবাসাৎ ॥১॥

100.2

ত্বং বিষ্ণো সুমতিং বিশ্বজন্যামপ্রয়ুতামেবয়াবো মতিং দাঃ ।
পর্চো যথা নঃ সুবিতস্য ভূরেরশ্বাবতঃ পুরুশ্চন্দ্রস্য রায়ঃ ॥২॥

100.3

ত্রির্দেবঃ পৃথিবীমেষ এতাং বি চক্রমে শতর্চসং মহিত্বা ।
প্র বিষ্ণুরস্তু তবসস্তবীয়ান্ত্বেষং হ্যস্য স্থবিরস্য নাম ॥৩॥

100.4

বি চক্রমে পৃথিবীমেষ এতাং ক্ষেত্রায় বিষ্ণুর্মনুষে দশস্যন্ ।
ধ্রুবাসো অস্য কীরয়ো জনাস উরুক্ষিতিং সুজনিমা চকার ॥৪॥

100.5

প্র তত্তে অদ্য শিপিবিষ্ট নামাঽর্যঃ শংসামি বয়ুনানি বিদ্বান্ ।
তং ত্বা গৃণামি তবসমতব্যান্ক্ষয়ন্তমস্য রজসঃ পরাকে ॥৫॥

100.6

কিমিত্তে বিষ্ণো পরিচক্ষ্যং ভূত্প্র যদ্ববক্ষে শিপিবিষ্টো অস্মি ।
মা বর্পো অস্মদপ গূহ এতদ্যদন্যরূপঃ সমিথে বভূথ ॥৬॥

100.7

বষট্ তে বিষ্ণবাস আ কৃণোমি তন্মে জুষস্ব শিপিবিষ্ট হব্যম্ ।
বর্ধন্তু ত্বা সুষ্টুতয়ো গিরো মে যূয়ং পাত স্বস্তিভিঃ সদা নঃ ॥৭॥