সূক্ত 75

75.1

১৯ পায়ুর্ভারদ্বাজঃ । { সংগ্রামাশিষঃ } ১ বর্ম, ২ ধনুঃ, ৩ জ্যা , ৪ আর্ত্নী, ইষুধিঃ, ৬ [ পূর্বার্ধঃ] সারথি :, ৬ {উত্তরার্ধঃ} রশ্ময়ঃ , ৭ অশ্বাঃ , ৮ রথঃ , ৯ রথগোপাঃ, ১০ ব্রাহ্মণ–পিতৃ-সোম-দ্যাবা-পৃথিবী-পূষাণঃ ; ১১-১২, ১৫-১৬ ইষবঃ, ১৩ প্রতোদঃ, ১৪ হস্তঘ্নঃ, ১৭ যুদ্ধভূমি-কবচ–ব্রহ্মণস্পত্যাদয়ঃ, ১৮ বর্ম–সোম–বরুণাঃ, ১৯ দেবব্রহ্মাণী। ত্রিষ্টুপ্ ; ৬,১০ জগতী; ১২,১৩,১৫,১৬,১৯ অনুষ্টুপ্ , ১৭ পঙ্ক্তিঃ ।

জীমূতস্যেব ভবতি প্রতীকং যদ্বর্মী যাতি সমদামুপস্থে ।
অনাবিদ্ধয়া তন্বা জয় ত্বং স ত্বা বর্মণো মহিমা পিপর্তু ॥১॥

75.2

ধন্বনা গা ধন্বনাজিং জয়েম ধন্বনা তীব্রাঃ সমদো জয়েম ।
ধনুঃ শত্রোরপকামং কৃণোতি ধন্বনা সর্বাঃ প্রদিশো জয়েম ॥২॥

75.3

বক্ষ্যন্তীবেদা গনীগন্তি কর্ণং প্রিয়ং সখায়ং পরিষস্বজানা ।
যোষেব শিঙ্ক্তে বিততাধি ধন্বঞ্জ্যা ইয়ং সমনে পারয়ন্তী ॥৩॥

75.4

তে আচরন্তী সমনেব যোষা মাতেব পুত্রং বিভৃতামুপস্থে ।
অপ শত্রূন্বিধ্যতাং সংবিদানে আর্ত্নী ইমে বিষ্ফুরন্তী অমিত্রান্ ॥৪॥

75.5

বহ্বীনাং পিতা বহুরস্য পুত্রশ্চিশ্চা কৃণোতি সমনাবগত্য ।
ইষুধিঃ সঙ্কাঃ পৃতনাশ্চ সর্বাঃ পৃষ্ঠে নিনদ্ধো জয়তি প্রসূতঃ ॥৫॥

75.6

রথে তিষ্ঠন্নয়তি বাজিনঃ পুরো যত্রয়ত্র কাময়তে সুষারথিঃ ।
অভীশূনাং মহিমানং পনায়ত মনঃ পশ্চাদনু যচ্ছন্তি রশ্ময়ঃ ॥৬॥

75.7

তীব্রান্ঘোষান্কৃণ্বতে বৃষপাণয়োঽশ্বা রথেভিঃ সহ বাজয়ন্তঃ ।
অবক্রামন্তঃ প্রপদৈরমিত্রান্ক্ষিণন্তি শত্রূঁরনপব্যয়ন্তঃ ॥৭॥

75.8

রথবাহনং হবিরস্য নাম যত্রায়ুধং নিহিতমস্য বর্ম ।
তত্রা রথমুপ শগ্মং সদেম বিশ্বাহা বয়ং সুমনস্যমানাঃ ॥৮॥

75.9

স্বাদুষংসদঃ পিতরো বয়োধাঃ কৃচ্ছ্রেশ্রিতঃ শক্তীবন্তো গভীরাঃ ।
চিত্রসেনা ইষুবলা অমৃধ্রাঃ সতোবীরা উরবো ব্রাতসাহাঃ ॥৯॥

75.10

ব্রাহ্মণাসঃ পিতরঃ সোম্যাসঃ শিবে নো দ্যাবাপৃথিবী অনেহসা ।
পূষা নঃ পাতু দুরিতাদৃতাবৃধো রক্ষা মাকির্নো অঘশংস ঈশত ॥১০॥

75.11

সুপর্ণং বস্তে মৃগো অস্যা দন্তো গোভিঃ সংনদ্ধা পততি প্রসূতা ।
যত্রা নরঃ সং চ বি চ দ্রবন্তি তত্রাস্মভ্যমিষবঃ শর্ম যংসন্ ॥১১॥

75.12

ঋজীতে পরি বৃঙ্ধি নোঽশ্মা ভবতু নস্তনূঃ । সোমো অধি ব্রবীতু নোঽদিতিঃ শর্ম যচ্ছতু ॥১২॥

75.13

আ জঙ্ঘন্তি সান্বেষাং জঘনাঁ উপ জিঘ্নতে । অশ্বাজনি প্রচেতসোঽশ্বান্ত্সমত্সু চোদয় ॥১৩॥

75.14

অহিরিব ভোগৈঃ পর্যেতি বাহুং জ্যায়া হেতিং পরিবাধমানঃ ।
হস্তঘ্নো বিশ্বা বয়ুনানি বিদ্বান্পুমান্পুমাংসং পরি পাতু বিশ্বতঃ ॥১৪॥

75.15

আলাক্তা যা রুরুশীর্ষ্ণ্যথো যস্যা অয়ো মুখম্ । ইদং পর্জন্যরেতস ইষ্বৈ দেব্যৈ বৃহন্নমঃ ॥১৫॥

75.16

অবসৃষ্টা পরা পত শরব্যে ব্রহ্মসংশিতে । গচ্ছামিত্রান্প্র পদ্যস্ব মামীষাং কং চনোচ্ছিষঃ ॥১৬॥

75.17

যত্র বাণাঃ সম্পতন্তি কুমারা বিশিখা ইব ।
তত্রা নো ব্রহ্মণস্পতিরদিতিঃ শর্ম যচ্ছতু বিশ্বাহা শর্ম যচ্ছতু ॥১৭॥

75.18

মর্মাণি তে বর্মণা ছাদয়ামি সোমস্ত্বা রাজামৃতেনানু বস্তাম্ ।
উরোর্বরীয়ো বরুণস্তে কৃণোতু জয়ন্তং ত্বানু দেবা মদন্তু ॥১৮॥

75.19

যো নঃ স্বো অরণো যশ্চ নিষ্ট্যো জিঘাংসতি । দেবাস্তং সর্বে ধূর্বন্তু ব্রহ্ম বর্ম মমান্তরম্ ॥১৯॥