সূক্ত 74

74.1

৪ বার্হস্পত্যো ভরদ্বাজঃ । সোমারুদ্রৌ। ত্রিষ্টুপ্ ।

সোমারুদ্রা ধারয়েথামসুর্যং১ প্র বামিষ্টয়োঽরমশ্নুবন্তু ।
দমেদমে সপ্ত রত্না দধানা শং নো ভূতং দ্বিপদে শং চতুষ্পদে ॥১॥

74.2

সোমারুদ্রা বি বৃহতং বিষূচীমমীবা যা নো গয়মাবিবেশ ।
আরে বাধেথাং নিৠতিং পরাচৈরস্মে ভদ্রা সৌশ্রবসানি সন্তু ॥২॥

74.3

সোমারুদ্রা যুবমেতান্যস্মে বিশ্বা তনূষু ভেষজানি ধত্তম্ ।
অব স্যতং মুঞ্চতং যন্নো অস্তি তনূষু বদ্ধং কৃতমেনো অস্মৎ ॥৩॥

74.4

তিগ্মায়ুধৌ তিগ্মহেতী সুশেবৌ সোমারুদ্রাবিহ সু মৃলতং নঃ ।
প্র নো মুঞ্চতং বরুণস্য পাশাদ্গোপায়তং নঃ সুমনস্যমানা ॥৪॥