Sukta 74

74.1

4 barhaspatyo bharadvajah, somarudrau, trishtup

सोमा॑रुद्रा धा॒रये॑थामसु॒र्यं१ प्र वा॑मि॒ष्टयोऽर॑मश्नुवन्तु ।
दमे॑दमे स॒प्त रत्ना॒ दधा॑ना॒ शं नो॑ भूतं द्वि॒पदे॒ शं चतु॑ष्पदे ॥१॥

Somarudra dharayethamasuryan1 pra vamishtayoramashnuvantu
Damedame sapta ratna dadhana sham no bhutam dvipade sham chatushpade

74.2

सोमा॑रुद्रा॒ वि वृ॑हतं॒ विषू॑ची॒ममी॑वा॒ या नो॒ गय॑मावि॒वेश॑ ।
आ॒रे बा॑धेथां॒ निॠ॑तिं परा॒चैर॒स्मे भ॒द्रा सौ॑श्रव॒सानि॑ सन्तु ॥२॥

Somarudra vi vrihatam vishuchimamiva ya no gayamavivesha
Are badhetham niritim parachairasme bhadra saushravasani santu

74.3

सोमा॑रुद्रा यु॒वमे॒तान्य॒स्मे विश्वा॑ त॒नूषु॑ भेष॒जानि॑ धत्तम् ।
अव॑ स्यतं मु॒ञ्चतं॒ यन्नो॒ अस्ति॑ त॒नूषु॑ ब॒द्धं कृ॒तमेनो॑ अ॒स्मत् ॥३॥

Somarudra yuvametanyasme vishva tanushu bheshajani dhattam
Ava syatam munchatam yanno asti tanushu baddham kritameno asmat

74.4

ति॒ग्मायु॑धौ ति॒ग्महे॑ती सु॒शेवौ॒ सोमा॑रुद्रावि॒ह सु मृ॑ळतं नः ।
प्र नो॑ मुञ्चतं॒ वरु॑णस्य॒ पाशा॑द्गोपा॒यतं॑ नः सुमन॒स्यमा॑ना ॥४॥

Tigmayudhau tigmaheti sushevau somarudraviha su mrilatam nah
Pra no munchatam varunasya pashadgopayatam nah sumanasyamana