সূক্ত 72

72.1

৫ বার্হস্পত্যো ভরদ্বাজঃ । ইন্দ্রাসোমৌ।ত্রিষ্টুপ্ ।

ইন্দ্রাসোমা মহি তদ্বাং মহিত্বং যুবং মহানি প্রথমানি চক্রথুঃ ।
যুবং সূর্যং বিবিদথুর্যুবং স্ব১র্বিশ্বা তমাংস্যহতং নিদশ্চ ॥১॥

72.2

ইন্দ্রাসোমা বাসয়থ উষাসমুত্সূর্যং নয়থো জ্যোতিষা সহ ।
উপ দ্যাং স্কম্ভথুঃ স্কম্ভনেনাপ্রথতং পৃথিবীং মাতরং বি ॥২॥

72.3

ইন্দ্রাসোমাবহিমপঃ পরিষ্ঠাং হথো বৃত্রমনু বাং দ্যৌরমন্যত ।
প্রার্ণাংস্যৈরয়তং নদীনামা সমুদ্রাণি পপ্রথুঃ পুরূণি ॥৩॥

72.4

ইন্দ্রাসোমা পক্বমামাস্বন্তর্নি গবামিদ্দধথুর্বক্ষণাসু ।
জগৃভথুরনপিনদ্ধমাসু রুশচ্চিত্রাসু জগতীষ্বন্তঃ ॥৪॥

72.5

ইন্দ্রাসোমা যুবমঙ্গ তরুত্রমপত্যসাচং শ্রুত্যং ররাথে ।
যুবং শুষ্মং নর্যং চর্ষণিভ্যঃ সং বিব্যথুঃ পৃতনাষাহমুগ্রা ॥৫॥