সূক্ত 71

71.1

৬ বার্হস্পত্যো ভরদ্বাজঃ । সবিতা ।জগতী, ৪-৬ ত্রিষ্টুপ্ ।

উদু ষ্য দেবঃ সবিতা হিরণ্যয়া বাহূ অয়ংস্ত সবনায় সুক্রতুঃ ।
ঘৃতেন পাণী অভি প্রুষ্ণুতে মখো যুবা সুদক্ষো রজসো বিধর্মণি ॥১॥

71.2

দেবস্য বয়ং সবিতুঃ সবীমনি শ্রেষ্ঠে স্যাম বসুনশ্চ দাবনে ।
যো বিশ্বস্য দ্বিপদো যশ্চতুষ্পদো নিবেশনে প্রসবে চাসি ভূমনঃ ॥২॥

71.3

অদব্ধেভিঃ সবিতঃ পায়ুভিষ্ট্বং শিবেভিরদ্য পরি পাহি নো গয়ম্ ।
হিরণ্যজিহ্বঃ সুবিতায় নব্যসে রক্ষা মাকির্নো অঘশংস ঈশত ॥৩॥

71.4

উদু ষ্য দেবঃ সবিতা দমূনা হিরণ্যপাণিঃ প্রতিদোষমস্থাৎ ।
অয়োহনুর্যজতো মন্দ্রজিহ্ব আ দাশুষে সুবতি ভূরি বামম্ ॥৪॥

71.5

উদূ অয়াঁ উপবক্তেব বাহূ হিরণ্যয়া সবিতা সুপ্রতীকা ।
দিবো রোহাংস্যরুহত্পৃথিব্যা অরীরমত্পতয়ত্কচ্চিদভ্বম্ ॥৫॥

71.6

বামমদ্য সবিতর্বামমু শ্বো দিবেদিবে বামমস্মভ্যং সাবীঃ ।
বামস্য হি ক্ষয়স্য দেব ভূরেরয়া ধিয়া বামভাজঃ স্যাম ॥৬॥