সূক্ত 59

59.1

১০ বার্হস্পত্যো ভরদ্বাজঃ ।ইন্দ্রাগ্নী ।বৃহতী, ৭-১০ অনুষ্টপ্ ।

প্র নু বোচা সুতেষু বাং বীর্যা৩ যানি চক্রথুঃ ।
হতাসো বাং পিতরো দেবশত্রব ইন্দ্রাগ্নী জীবথো যুবম্ ॥১॥

59.2

বলিত্থা মহিমা বামিন্দ্রাগ্নী পনিষ্ঠ আ । সমানো বাং জনিতা ভ্রাতরা যুবং যমাবিহেহমাতরা ॥২॥

59.3

ওকিবাংসা সুতে সচাঁ অশ্বা সপ্তী ইবাদনে । ইন্দ্রা ন্ব১গ্নী অবসেহ বজ্রিণা বয়ং দেবা হবামহে ॥৩॥

59.4

য ইন্দ্রাগ্নী সুতেষু বাং স্তবত্তেষ্বৃতাবৃধা । জোষবাকং বদতঃ পজ্রহোষিণা ন দেবা ভসথশ্চন ॥৪॥

59.5

ইন্দ্রাগ্নী কো অস্য বাং দেবৌ মর্তশ্চিকেততি ।
বিষূচো অশ্বান্যুয়ুজান ঈয়ত একঃ সমান আ রথে ॥৫॥

59.6

ইন্দ্রাগ্নী অপাদিয়ং পূর্বাগাত্পদ্বতীভ্যঃ । হিত্বী শিরো জিহ্বয়া বাবদচ্চরত্ত্রিংশত্পদা ন্যক্রমীৎ ॥৬॥

59.7

ইন্দ্রাগ্নী আ হি তন্বতে নরো ধন্বানি বাহ্বোঃ । মা নো অস্মিন্মহাধনে পরা বর্ক্তং গবিষ্টিষু ॥৭॥

59.8

ইন্দ্রাগ্নী তপন্তি মাঽঘা অর্যো অরাতয়ঃ । অপ দ্বেষাংস্যা কৃতং যুয়ুতং সূর্যাদধি ॥৮॥

59.9

ইন্দ্রাগ্নী যুবোরপি বসু দিব্যানি পার্থিবা । আ ন ইহ প্র যচ্ছতং রয়িং বিশ্বায়ুপোষসম্ ॥৯॥

59.10

ইন্দ্রাগ্নী উক্থবাহসা স্তোমেভির্হবনশ্রুতা । বিশ্বাভির্গীর্ভিরা গতমস্য সোমস্য পীতয়ে ॥১০॥