সূক্ত 58

58.1

৪ বার্হস্পত্যো ভরদ্বাজঃ । পূষা ।ত্রিষ্টুপ্ , ২ জগতী ।

শুক্রং তে অন্যদ্যজতং তে অন্যদ্বিষুরূপে অহনী দ্যৌরিবাসি ।
বিশ্বা হি মায়া অবসি স্বধাবো ভদ্রা তে পূষন্নিহ রাতিরস্তু ॥১॥

58.2

অজাশ্বঃ পশুপা বাজপস্ত্যো ধিয়ংজিন্বো ভুবনে বিশ্বে অর্পিতঃ ।
অষ্ট্রাং পূষা শিথিরামুদ্বরীবৃজত্সংচক্ষাণো ভুবনা দেব ঈয়তে ॥২॥

58.3

যাস্তে পূষন্নাবো অন্তঃ সমুদ্রে হিরণ্যয়ীরন্তরিক্ষে চরন্তি ।
তাভির্যাসি দূত্যাং সূর্যস্য কামেন কৃত শ্রব ইচ্ছমানঃ ॥৩॥

58.4

পূষা সুবন্ধুর্দিব আ পৃথিব্যা ইলস্পতির্মঘবা দস্মবর্চাঃ ।
যং দেবাসো অদদুঃ সূর্যায়ৈ কামেন কৃতং তবসং স্বঞ্চম্ ॥৪॥