সূক্ত 44

44.1

২৪ শংয়ুর্বার্হস্পত্যঃ। ইন্দ্রঃ । ত্রিষ্টুপ্ ,১- ৬ অনুষ্টুপ্ , ৭- ৯ [ ৮ বা ] বিরাট্ ।

যো রয়িবো রয়িংতমো যো দ্যুম্নৈর্দ্যুম্নবত্তমঃ । সোমঃ সুতঃ স ইন্দ্র তেঽস্তি স্বধাপতে মদঃ ॥১॥

44.2

যঃ শগ্মস্তুবিশগ্ম তে রায়ো দামা মতীনাম্ । সোমঃ সুতঃ স ইন্দ্র তেঽস্তি স্বধাপতে মদঃ ॥২॥

44.3

যেন বৃদ্ধো ন শবসা তুরো ন স্বাভিরূতিভিঃ । সোমঃ সুতঃ স ইন্দ্র তেঽস্তি স্বধাপতে মদঃ ॥৩॥

44.4

ত্যমু বো অপ্রহণং গৃণীষে শবসস্পতিম্ । ইন্দ্রং বিশ্বাসাহং নরং মংহিষ্ঠং বিশ্বচর্ষণিম্ ॥৪॥

44.5

যং বর্ধয়ন্তীদ্গিরঃ পতিং তুরস্য রাধসঃ । তমিন্ন্বস্য রোদসী দেবী শুষ্মং সপর্যতঃ ॥৫॥

44.6

তদ্ব উক্থস্য বর্হণেন্দ্রায়োপস্তৃণীষণি । বিপো ন যস্যোতয়ো বি যদ্রোহন্তি সক্ষিতঃ ॥৬॥

44.7

অবিদদ্দক্ষং মিত্রো নবীয়ান্পপানো দেবেভ্যো বস্যো অচৈৎ ।
সসবান্ত্স্তৌলাভির্ধৌতরীভিরুরুষ্যা পায়ুরভবত্সখিভ্যঃ ॥৭॥

44.8

ঋতস্য পথি বেধা অপায়ি শ্রিয়ে মনাংসি দেবাসো অক্রন্ ।
দধানো নাম মহো বচোভির্বপুর্দৃশয়ে বেন্যো ব্যাবঃ ॥৮॥

44.9

দ্যুমত্তমং দক্ষং ধেহ্যস্মে সেধা জনানাং পূর্বীররাতীঃ ।
বর্ষীয়ো বয়ঃ কৃণুহি শচীভির্ধনস্য সাতাবস্মাঁ অবিড্ঢি ॥৯॥

44.10

ইন্দ্র তুভ্যমিন্মঘবন্নভূম বয়ং দাত্রে হরিবো মা বি বেনঃ ।
নকিরাপির্দদৃশে মর্ত্যত্রা কিমঙ্গ রধ্রচোদনং ত্বাহুঃ ॥১০॥

44.11

মা জস্বনে বৃষভ নো ররীথা মা তে রেবতঃ সখ্যে রিষাম ।
পূর্বীষ্ট ইন্দ্র নিষ্ষিধো জনেষু জহ্যসুষ্বীন্প্র বৃহাপৃণতঃ ॥১১॥

44.12

উদভ্রাণীব স্তনয়ন্নিয়র্তীন্দ্রো রাধাংস্যশ্ব্যানি গব্যা ।
ত্বমসি প্রদিবঃ কারুধায়া মা ত্বাদামান আ দভন্মঘোনঃ ॥১২॥

44.13

অধ্বর্যো বীর প্র মহে সুতানামিন্দ্রায় ভর স হ্যস্য রাজা ।
যঃ পূর্ব্যাভিরুত নূতনাভির্গীর্ভির্বাবৃধে গৃণতামৃষীণাম্ ॥১৩॥

44.14

অস্য মদে পুরু বর্পাংসি বিদ্বানিন্দ্রো বৃত্রাণ্যপ্রতী জঘান ।
তমু প্র হোষি মধুমন্তমস্মৈ সোমং বীরায় শিপ্রিণে পিবধ্যৈ ॥১৪॥

44.15

পাতা সুতমিন্দ্রো অস্তু সোমং হন্তা বৃত্রং বজ্রেণ মন্দসানঃ ।
গন্তা যজ্ঞং পরাবতশ্চিদচ্ছা বসুর্ধীনামবিতা কারুধায়াঃ ॥১৫॥

44.16

ইদং ত্যত্পাত্রমিন্দ্রপানমিন্দ্রস্য প্রিয়মমৃতমপায়ি ।
মত্সদ্যথা সৌমনসায় দেবং ব্য১স্মদ্দ্বেষো যুয়বদ্ব্যংহঃ ॥১৬॥

44.17

এনা মন্দানো জহি শূর শত্রূঞ্জামিমজামিং মঘবন্নমিত্রান্ ।
অভিষেণাঁ অভ্যা৩দেদিশানান্পরাচ ইন্দ্র প্র মৃণা জহী চ ॥১৭॥

44.18

আসু ষ্মা ণো মঘবন্নিন্দ্র পৃত্স্ব১স্মভ্যং মহি বরিবঃ সুগং কঃ ।
অপাং তোকস্য তনয়স্য জেষ ইন্দ্র সূরীন্কৃণুহি স্মা নো অর্ধম্ ॥১৮॥

44.19

আ ত্বা হরয়ো বৃষণো যুজানা বৃষরথাসো বৃষরশ্ময়োঽত্যাঃ ।
অস্মত্রাঞ্চো বৃষণো বজ্রবাহো বৃষ্ণে মদায় সুয়ুজো বহন্তু ॥১৯॥

44.20

আ তে বৃষন্বৃষণো দ্রোণমস্থুর্ঘৃতপ্রুষো নোর্ময়ো মদন্তঃ ।
ইন্দ্র প্র তুভ্যং বৃষভিঃ সুতানাং বৃষ্ণে ভরন্তি বৃষভায় সোমম্ ॥২০॥

44.21

বৃষাসি দিবো বৃষভঃ পৃথিব্যা বৃষা সিন্ধূনাং বৃষভঃ স্তিয়ানাম্ ।
বৃষ্ণে ত ইন্দুর্বৃষভ পীপায় স্বাদূ রসো মধুপেয়ো বরায় ॥২১॥

44.22

অয়ং দেবঃ সহসা জায়মান ইন্দ্রেণ যুজা পণিমস্তভায়ৎ ।
অয়ং স্বস্য পিতুরায়ুধানীন্দুরমুষ্ণাদশিবস্য মায়াঃ ॥২২॥

44.23

অয়মকৃণোদুষসঃ সুপত্নীরয়ং সূর্যে অদধাজ্জ্যোতিরন্তঃ ।
অয়ং ত্রিধাতু দিবি রোচনেষ ত্রিতেষু বিন্দদমৃতং নিগূল্হম্ ॥২৩॥

44.24

অয়ং দ্যাবাপৃথিবী বি ষ্কভায়দয়ং রথময়ুনক্সপ্তরশ্মিম্ ।
অয়ং গোষু শচ্যা পক্বমন্তঃ সোমো দাধার দশয়ন্ত্রমুত্সম্ ॥২৪॥