সূক্ত 35

35.1

৫ নরো ভারদ্বাজঃ। ইন্দ্রঃ । ত্রিষ্টুপ্ ।

কদা ভুবন্রথক্ষয়াণি ব্রহ্ম কদা স্তোত্রে সহস্রপোষ্যং দাঃ ।
কদা স্তোমং বাসয়োঽস্য রায়া কদা ধিয়ঃ করসি বাজরত্নাঃ ॥১॥

35.2

কর্হি স্বিত্তদিন্দ্র যন্নৃভির্নৄন্বীরৈর্বীরান্নীলয়াসে জয়াজীন্ ।
ত্রিধাতু গা অধি জয়াসি গোষ্বিন্দ্র দ্যুম্নং স্বর্বদ্ধেহ্যস্মে ॥২॥

35.3

কর্হি স্বিত্তদিন্দ্র যজ্জরিত্রে বিশ্বপ্সু ব্রহ্ম কৃণবঃ শবিষ্ঠ ।
কদা ধিয়ো ন নিয়ুতো যুবাসে কদা গোমঘা হবনানি গচ্ছাঃ ॥৩॥

35.4

স গোমঘা জরিত্রে অশ্বশ্চন্দ্রা বাজশ্রবসো অধি ধেহি পৃক্ষঃ ।
পীপিহীষঃ সুদুঘামিন্দ্র ধেনুং ভরদ্বাজেষু সুরুচো রুরুচ্যাঃ ॥৪॥

35.5

তমা নূনং বৃজনমন্যথা চিচ্ছূরো যচ্ছক্র বি দুরো গৃণীষে ।
মা নিররং শুক্রদুঘস্য ধেনোরাঙ্গিরসান্ব্রহ্মণা বিপ্র জিন্ব ॥৫॥