সূক্ত 3

3.1

৮ বার্হস্পত্যো ভরদ্বাজঃ । অগ্নি : ।ত্রিষ্টুপ্ ।

অগ্নে স ক্ষেষদৃতপা ঋতেজা উরু জ্যোতির্নশতে দেবয়ুষ্টে ।
যং ত্বং মিত্রেণ বরুণঃ সজোষা দেব পাসি ত্যজসা মর্তমংহঃ ॥১॥

3.2

ঈজে যজ্ঞেভিঃ শশমে শমীভিৠধদ্বারায়াগ্নয়ে দদাশ ।
এবা চন তং যশসামজুষ্টির্নাংহো মর্তং নশতে ন প্রদৃপ্তিঃ ॥২॥

3.3

সূরো ন যস্য দৃশতিররেপা ভীমা যদেতি শুচতস্ত আ ধীঃ ।
হেষস্বতঃ শুরুধো নায়মক্তোঃ কুত্রা চিদ্ রণ্বো বসতির্বনেজাঃ ॥৩॥

3.4

তিগ্মং চিদেম মহি বর্পো অস্য ভসদশ্বো ন যমসান আসা ।
বিজেহমানঃ পরশুর্ন জিহ্বাং দ্রবির্ন দ্রাবয়তি দারু ধক্ষৎ ॥৪॥

3.5

স ইদস্তেব প্রতি ধাদসিষ্যঞ্ছিশীত তেজোঽয়সো ন ধারাম্ ।
চিত্রধ্রজতিররতির্যো অক্তোর্বের্ন দ্রুষদ্বা রঘুপত্মজংহাঃ ॥৫॥

3.6

স ঈং রেভো ন প্রতি বস্ত উস্রাঃ শোচিষা রারপীতি মিত্রমহাঃ ।
নক্তং য ঈমরুষো যো দিবা নৄনমর্ত্যো অরুষো যো দিবা নৄন্ ॥৬॥

3.7

দিবো ন যস্য বিধতো নবীনোদ্ বৃষা রুক্ষ ওষধীষু নূনোৎ ।
ঘৃণা ন যো ধ্রজসা পত্মনা যন্না রোদসী বসুনা দং সুপত্নী ॥৭॥

3.8

ধায়োভির্বা যো যুজ্যেভিরর্কৈর্বিদ্যুন্ন দবিদ্যোৎ স্বেভিঃ শুষ্মৈঃ ।
শর্ধো বা যো মরুতাং ততক্ষ ঋভুর্ন ত্বেষো রভসানো অদ্যৌৎ ॥৮॥