সূক্ত 74

74.1

১০ পৌর আত্রেয়ঃ। অশ্বিনৌ। অনুষ্টুপ্, ৮ নিচৃৎ।

কূষ্ঠো দেবাবশ্বিনা ঽদ্যা দিবো মনাবসূ । তচ্ছ্রবথো বৃষণ্বসূ অত্রির্বামা বিবাসতি ॥১॥

কুহ ত্যা কুহ নু শ্রুতা দিবি দেবা নাসত্যা । কস্মিন্না যতথো জনে কো বাং নদীনাং সচা ॥২॥

কং যাথঃ কং হ গচ্ছথঃ কমচ্ছা যুঞ্জাথে রথম্ । কস্য ব্রহ্মাণি রণ্যথো বয়ং বামুশ্মসীষ্টয়ে ॥৩॥

পৌরং চিদ্ধ্যুদপ্রুতং পৌর পৌরায় জিন্বথঃ । যদীং গৃভীততাতয়ে সিংহমিব দ্রুহস্পদে ॥৪॥

প্র চ্যবানাজ্জুজুরুষো বব্রিমত্কং ন মুঞ্চথঃ । যুবা যদী কৃথঃ পুনরা কামমৃণ্বে বধ্বঃ ॥৫॥

অস্তি হি বামিহ স্তোতা স্মসি বাং সংদৃশি শ্রিয়ে । নূ শ্রুতং ম আ গতমবোভির্বাজিনীবসূ ॥৬॥

কো বামদ্য পুরূণামা বব্নে মর্ত্যানাম্ । কো বিপ্রো বিপ্রবাহসা কো যজ্ঞৈর্বাজিনীবসূ ॥৭॥

আ বাং রথো রথানাং যেষ্ঠো যাত্বশ্বিনা । পুরূ চিদস্ময়ুস্তির আঙ্গূষো মর্ত্যেষ্বা ॥৮॥

শমূ ষু বাং মধূয়ুবাস্মাকমস্তু চর্কৃতিঃ । অর্বাচীনা বিচেতসা বিভিঃ শ্যেনেব দীয়তম্ ॥৯॥

অশ্বিনা যদ্ধ কর্হি চিচ্ছুশ্রূয়াতমিমং হবম্ । বস্বীরূ ষু বাং ভুজঃ পৃঞ্চন্তি সু বাং পৃচঃ ॥১০॥