সূক্ত 73

73.1

১০ পৌর আত্রেয়ঃ। অশ্বিনৌ। অনুষ্টুপ্।

যদদ্য স্থঃ পরাবতি যদর্বাবত্যশ্বিনা । যদ্ বা পুরূ পুরুভুজা যদন্তরিক্ষ আ গতম্ ॥১॥

73.2

ইহ ত্যা পুরুভূতমা পুরূ দংসাংসি বিভ্রতা । বরস্যা যাম্যধ্রিগূ হুবে তুবিষ্টমা ভুজে ॥২॥

73.3

ঈর্মান্যদ্ বপুষে বপুশ্চক্রং রথস্য যেমথুঃ । পর্যন্যা নাহুষা যুগা মহ্না রজাংসি দীয়থঃ ॥৩॥

73.4

তদূ ষু বামেনা কৃতং বিশ্বা যদ্ বামনু ষ্টবে । নানা জাতাবরেপসা সমস্মে বন্ধুমেয়থুঃ ॥৪॥

73.5

আ যদ্ বাং সূর্যা রথং তিষ্ঠদ্ রঘুষ্যদং সদা । পরি বামরুষা বয়ো ঘৃণা বরন্ত আতপঃ ॥৫॥

73.6

যুবোরত্রিশ্চিকেততি নরা সুম্নেন চেতসা । ঘর্মং যদ্ বামরেপসং নাসত্যাস্না ভুরণ্যতি ॥৬॥

73.7

উগ্রো বাং ককুহো যয়িঃ শৃণ্বে যামেষু সংতনিঃ । যদ্ বাং দংসোভিরশ্বিনাঽত্রির্নরাববর্ততি ॥৭॥

73.8

মধ্ব ঊ ষু মধূয়ুবা রুদ্রা সিষক্তি পিপ্যুষী । যৎ সমুদ্রাতি পর্ষথঃ পক্বাঃ পৃক্ষো ভরন্ত বাম্ ॥৮॥

73.9

সত্যমিদ্ বা উ অশ্বিনা যুবামাহুর্ময়োভুবা । তা যামন্ যামহূতমা যামন্না মৃলয়ত্তমা ॥৯॥

73.10

ইমা ব্রহ্মাণি বর্ধনা ঽশ্বিভ্যাং সন্তু শংতমা । যা তক্ষাম রথাঁ ইবাঽবোচাম বৃহন্নমঃ ॥১০॥