সূক্ত 16

16.1

৫ পূরুরাত্রেয়ঃ। অগ্নিঃ। অনুষ্টুপ্, ৫ পংক্তিঃ।

বৃহদ্ বয়ো হি ভানবেঽর্চা দেবায়াগ্নয়ে ।
যং মিত্রং ন প্রশস্তিভির্মর্তাসো দধিরে পুরঃ ॥১॥

16.2

স হি দ্যুভির্জনানাং হোতা দক্ষস্য বাহ্বোঃ ।
বি হব্যমগ্নিরানুষগ্ভগো ন বারমৃণ্বতি ॥২॥

16.3

অস্য স্তোমে মঘোনঃ সখ্যে বৃদ্ধশোচিষঃ ।
বিশ্বা যস্মিন্ তুবিষ্বণি সমর্যে শুষ্মমাদধুঃ ॥৩॥

16.4

অধা হ্যগ্ন এষাং সুবীর্যস্য মংহনা ।
তমিদ্ যহ্বং ন রোদসী পরি শ্রবো বভূবতুঃ ॥৪॥

16.5

নূ ন এহি বার্যমগ্নে গৃণান আ ভর ।
যে বয়ং যে চ সূরয়ঃ স্বস্তি ধামহে সচোতৈধি পৃত্সু নো বৃধে ॥৫॥