সূক্ত 15

15.1

৫ ধরুণ অঙ্গিরসঃ। অগ্নিঃ । ত্রিষ্টুপ্।

প্র বেধসে কবয়ে বেদ্যায় গিরং ভরে যশসে পূর্ব্যায় ।
ঘৃতপ্রসত্তো অসুরঃ সুশেবো রায়ো ধর্তা ধরুণো বস্বো অগ্নিঃ ॥১॥

15.2

ঋতেন ঋতং ধরুণং ধারয়ন্ত যজ্ঞস্য শাকে পরমে ব্যোমন্ ।
দিবো ধর্মন্ ধরুণে সেদুষো নৄঞ্জাতৈরজাতাঁ অভি যে ননক্ষুঃ ॥২॥

15.3

অংহোয়ুবস্তন্বস্তন্বতে বি বয়ো মহদ্ দুষ্টরং পূর্ব্যায় ।
স সংবতো নবজাতস্তুতুর্যাৎ সিংহং ন ক্রুদ্ধমভিতঃ পরি ষ্ঠুঃ ॥৩॥

15.4

মাতেব যদ্ ভরসে পপ্রথানো জনংজনং ধায়সে চক্ষসে চ ।
বয়োবয়ো জরসে যদ্দধানঃ পরি ত্মনা বিষুরূপো জিগাসি ॥৪॥

15.5

বাজো নু তে শবসস্পাত্বন্তমুরুং দোঘং ধরুণং দেব রায়ঃ ।
পদং ন তায়ুর্গুহা দধানো মহো রায়ে চিতয়ন্নত্রিমস্পঃ ॥৫॥