Sukta 15

15.1

5 dharuna angirasah, agnih, trishtup

प्र वे॒धसे॑ क॒वये॒ वेद्या॑य॒ गिरं॑ भरे य॒शसे॑ पू॒र्व्याय॑ ।
घृ॒तप्र॑सत्तो॒ असु॑रः सु॒शेवो॑ रा॒यो ध॒र्ता ध॒रुणो॒ वस्वो॑ अ॒ग्निः ॥१॥

Pra vedhase kavaye vedyaya giram bhare yashase purvyaya
Ghritaprasatto asurah sushevo rayo dharta dharuno vasvo agnih

ऋ॒तेन॑ ऋ॒तं ध॒रुणं॑ धारयन्त य॒ज्ञस्य॑ शा॒के प॑र॒मे व्यो॑मन् ।
दि॒वो धर्म॑न् ध॒रुणे॑ से॒दुषो॒ नॄञ्जा॒तैरजा॑ताँ अ॒भि ये न॑न॒क्षुः ॥२॥

Ritena ritam dharunam dharayanta yagyasya shake parame vyoman
Divo dharman dharune sedusho nrinjatairajatam abhi ye nanakshuh

अं॒हो॒युव॑स्त॒न्व॑स्तन्वते॒ वि वयो॑ म॒हद् दु॒ष्टरं॑ पू॒र्व्याय॑ ।
स सं॒वतो॒ नव॑जातस्तुतुर्यात् सिं॒हं न क्रु॒द्धम॒भित॒ः परि॑ ष्ठुः ॥३॥

Anhoyuvastanvastanvate vi vayo mahad dushtaram purvyaya
Sa sanvato navajatastuturyat sinham na kruddhamabhitah pari shthuh

मा॒तेव॒ यद् भर॑से पप्रथा॒नो जनं॑जनं॒ धाय॑से॒ चक्ष॑से च ।
वयो॑वयो जरसे॒ यद्दधा॑न॒ः परि॒ त्मना॒ विषु॑रूपो जिगासि ॥४॥

Mateva yad bharase paprathano jananjanam dhayase chakshase cha
Vayovayo jarase yaddadhanah pari tmana vishurupo jigasi

वाजो॒ नु ते॒ शव॑सस्पा॒त्वन्त॑मु॒रुं दोघं॑ ध॒रुणं॑ देव रा॒यः ।
प॒दं न ता॒युर्गुहा॒ दधा॑नो म॒हो रा॒ये चि॒तय॒न्नत्रि॑मस्पः ॥५॥

Vajo nu te shavasaspatvantamurum dogham dharunam deva rayah
Padam na tayurguha dadhano maho raye chitayannatrimaspah