সূক্ত 52

52.1

৭ বামদেবো গৌতমঃ। উষাঃ। গায়ত্রী।

প্রতি ষ্যা সূনরী জনী ব্যুচ্ছন্তী পরি স্বসুঃ । দিবো অদর্শি দুহিতা ॥১॥

52.2

অশ্বেব চিত্রারুষী মাতা গবামৃতাবরী । সখাভূদশ্বিনোরুষাঃ ॥২॥

52.3

উত সখাস্যশ্বিনোরুত মাতা গবামসি । উতোষো বস্ব ঈশিষে ॥৩॥

52.4

যাবয়দ্দ্বেষসং ত্বা চিকিত্বিৎ সূনৃতাবরি । প্রতি স্তোমৈরভুত্স্মহি ॥৪॥

52.5

প্রতি ভদ্রা অদৃক্ষত গবাং সর্গা ন রশ্ময়ঃ । ওষা অপ্রা উরু জ্রয়ঃ ॥৫॥

52.6

আপপ্রুষী বিভাবরি ব্যাবর্জ্যোতিষা তমঃ । উষো অনু স্বধামব ॥৬॥

52.7

আ দ্যাং তনোষি রশ্মিভিরান্তরিক্ষমুরু প্রিয়ম্ । উষঃ শুক্রেণ শোচিষা ॥৭॥