সূক্ত 57

57.1

৬ গাথিনো বিশ্বামিত্রঃ। বিশ্বে দেবাঃ। ত্রিষ্টুপ্।

প্র মে বিবিক্বাঁ অবিদন্মনীষাং ধেনুং চরন্তীং প্রয়ুতামগোপাম্ ।
সদ্যশ্চিদ্ যা দুদুহে ভূরি ধাসেরিন্দ্রস্তদগ্নিঃ পনিতারো অস্যাঃ ॥১॥

57.2

ইন্দ্রঃ সু পূষা বৃষণা সুহস্তা দিবো ন প্রীতাঃ শশয়ং দুদুহ্রে ।
বিশ্বে যদস্যাং রণয়ন্ত দেবাঃ প্র বোঽত্র বসবঃ সুম্নমশ্যাম্ ॥২॥

57.3

যা জাময়ো বৃষ্ণ ইচ্ছন্তি শক্তিং নমস্যন্তীর্জানতে গর্ভমস্মিন্ ।
অচ্ছা পুত্রং ধেনবো বাবশানা মহশ্চরন্তি বিভ্রতং বপূংষি ॥৩॥

57.4

অচ্ছা বিবক্মি রোদসী সুমেকে গ্রাব্ণো যুজানো অধ্বরে মনীষা ।
ইমা উ তে মনবে ভূরিবারা ঊর্ধ্বা ভবন্তি দর্শতা যজত্রাঃ ॥৪॥

57.5

যা তে জিহ্বা মধুমতী সুমেধা অগ্নে দেবেষূচ্যত উরূচী ।
তয়েহ বিশ্বাঁ অবসে যজত্রানা সাদয় পায়য়া চা মধূনি ॥৫॥

57.6

যা তে অগ্নে পর্বতস্যেব ধারাসশ্চন্তী পীপয়দ্ দেব চিত্রা ।
তামস্মভ্যং প্রমতিং জাতবেদো বসো রাস্ব সুমতিং বিশ্বজন্যাম্ ॥৬॥