সূক্ত 5

5.1

১১ গাথিনো বিশ্বামিত্রঃ। অগ্নিঃ। ত্রিষ্টুপ্।

প্রত্যগ্নিরুষসশ্চেকিতানোঽবোধি বিপ্রঃ পদবীঃ কবীনাম্ ।
পৃথুপাজা দেবয়দ্ভিঃ সমিদ্ধোঽপ দ্বারা তমসো বহ্নিরাবঃ ॥১॥

5.2

প্রেদ্বগ্নির্বাবৃধে স্তোমেভির্গীর্ভিঃ স্তোতৄণাং নমস্য উক্থৈঃ ।
পূর্বীর্ঋতস্য সংদৃশশ্চকানঃ সং দূতো অদ্যৌদুষসো বিরোকে ॥২॥

5.3

অধায্যগ্নির্মানুষীষু বিক্ষ্ব১পাং গর্ভো মিত্র ঋতেন সাধন্ ।
আ হর্যতো যজতঃ সান্বস্থাদভূদু বিপ্রো হব্যো মতীনাম্ ॥৩॥

5.4

মিত্রো অগ্নির্ভবতি যৎ সমিদ্ধো মিত্রো হোতা বরুণো জাতবেদাঃ ।
মিত্রো অধ্বর্যুরিষিরো দমূনা মিত্রঃ সিন্ধূনামুত পর্বতানাম্ ॥৪॥

5.5

পাতি প্রিয়ং রিপো অগ্রং পদং বেঃ পাতি যহ্বশ্চরণং সূর্যস্য ।
পাতি নাভা সপ্তশীর্ষাণমগ্নিঃ পাতি দেবানামুপমাদমৃষ্বঃ ॥৫॥

5.6

ঋভুশ্চক্র ঈড্যং চারু নাম বিশ্বানি দেবো বয়ুনানি বিদ্বান্ ।
সসস্য চর্ম ঘৃতবৎ পদং বেস্তদিদগ্নী রক্ষত্যপ্রয়ুচ্ছন্ ॥৬॥

5.7

আ যোনিমগ্নির্ঘৃতবন্তমস্থাৎ পৃথুপ্রগাণমুশন্তমুশানঃ ।
দীদ্যানঃ শুচির্ঋষ্বঃ পাবকঃ পুনঃপুনর্মাতরা নব্যসী কঃ ॥৭॥

5.8

সদ্যো জাত ওষধীভির্ববক্ষে যদী বর্ধন্তি প্রস্বো ঘৃতেন ।
আপ ইব প্রবতা শুম্ভমানা উরুষ্যদগ্নিঃ পিত্রোরুপস্থে ॥৮॥

5.9

উদু ষ্টুতঃ সমিধা যহ্বো অদ্যৌদ্ বর্ষ্মন্ দিবো অধি নাভা পৃথিব্যাঃ ।
মিত্রো অগ্নিরীড্যো মাতরিশ্বা ঽঽ দূতো বক্ষদ্ যজথায় দেবান্ ॥৯॥

5.10

উদস্তম্ভীত্সমিধা নাকমৃষ্বো৩ঽগ্নির্ভবন্নুত্তমো রোচনানাম্ ।
যদী ভৃগুভ্যঃ পরি মাতরিশ্বা গুহা সন্তং হব্যবাহং সমীধে ॥১০॥

5.11

ইলামগ্নে পুরুদংসং সনিং গোঃ শশ্বত্তমং হবমানায় সাধ ।
স্যান্নঃ সূনুস্তনয়ো বিজাবা ঽগ্নে সা তে সুমতির্ভূত্বস্মে ॥১১॥