সূক্ত 4

4.1

১১ গাথিনো বিশ্বামিত্রঃ। আপ্রীসূক্তং (১ ইধ্মঃ সমিদ্ধোঽগ্নির্বা, ২ তনূনপাৎ, ৩ ইলঃ, ৪ বর্হিঃ, ৫ দেবীর্দ্বারঃ, ৬ উষাসনক্তা, ৭ দৈব্যো হোতারৌ প্রচেতসৌ, ৮ তিস্রো দেব্যঃসরস্বতীলাভারত্যঃ, ৯ ত্বষ্টা, ১০ বনস্পতিঃ, ১১ স্বাহাকৃতয়ঃ)। ত্রিষ্টুপ্ ।

সমিত্সমিৎ সুমনা বোধ্যস্মে শুচাশুচা সুমতিং রাসি বস্বঃ ।
আ দেব দেবান্ যজথায় বক্ষি সখা সখীন্ ত্সুমনা যক্ষ্যগ্নে ॥১॥

4.2

যং দেবাসস্ত্রিরহন্নায়জন্তে দিবেদিবে বরুণো মিত্রো অগ্নিঃ ।
সেমং যজ্ঞং মধুমন্তং কৃধী নস্তনূনপাদ্ ঘৃতয়োনিং বিধন্তম্ ॥২॥

4.3

প্র দীধিতির্বিশ্ববারা জিগাতি হোতারমিলঃ প্রথমং যজধ্যৈ ।
অচ্ছা নমোভির্বৃষভং বন্দধ্যৈ স দেবান্ যক্ষদিষিতো যজীয়ান্ ॥৩॥

4.4

ঊর্ধ্বো বাং গাতুরধ্বরে অকার্যূর্ধ্বা শোচীংষি প্রস্থিতা রজাংসি ।
দিবো বা নাভা ন্যসাদি হোতা স্তৃণীমহি দেবব্যচা বি বর্হিঃ ॥৪॥

4.5

সপ্ত হোত্রাণি মনসা বৃণানা ইন্বন্তো বিশ্বং প্রতি যন্নৃতেন ।
নৃপেশসো বিদথেষু প্র জাতা অভী৩মং যজ্ঞং বি চরন্ত পূর্বীঃ ॥৫॥

4.6

আ ভন্দমানে উষসা উপাকে উত স্ময়েতে তন্বা৩ বিরূপে ।
যথা নো মিত্রো বরুণো জুজোষদিন্দ্রো মরুত্বাঁ উত বা মহোভিঃ ॥৬॥

4.7

দৈব্যা হোতারা প্রথমা ন্যৃঞ্জে সপ্ত পৃক্ষাসঃ স্বধয়া মদন্তি ।
ঋতং শংসন্ত ঋতমিৎ ত আহুরনু ব্রতং ব্রতপা দীধ্যানাঃ ॥৭॥

4.8

আ ভারতী ভারতীভিঃ সজোষা ইলা দেবৈর্মনুষ্যেভিরগ্নিঃ ।
সরস্বতী সারস্বতেভিরর্বাক্ তিস্রো দেবীর্বর্হিরেদং সদন্তু ॥৮॥

4.9

তন্নস্তুরীপমধ পোষয়িত্নু দেব ত্বষ্টর্বি ররাণঃ স্যস্ব ।
যতো বীরঃ কর্মণ্যঃ সুদক্ষো যুক্তগ্রাবা জায়তে দেবকামঃ ॥৯॥

4.10

বনস্পতেঽব সৃজোপ দেবানগ্নির্হবিঃ শমিতা সূদয়াতি ।
সেদু হোতা সত্যতরো যজাতি যথা দেবানাং জনিমানি বেদ ॥১০॥

4.11

আ যাহ্যগ্নে সমিধানো অর্বাঙিন্দ্রেণ দেবৈঃ সরথং তুরেভিঃ ।
বর্হির্ন আস্তামদিতিঃ সুপুত্রা স্বাহা দেবা অমৃতা মাদয়ন্তাম্ ॥১১॥