সূক্ত 45

45.1

৫ গাথিনো বিশ্বামিত্রঃ। ইন্দ্রঃ। বৃহতী।

আ মন্দ্রৈরিন্দ্র হরিভির্যাহি ময়ূররোমভিঃ ।
মা ত্বা কে চিন্নি যমন্বিং ন পাশিনোঽতি ধন্বেব তাঁ ইহি ॥১॥

45.2

বৃত্রখাদো বলংরুজঃ পুরাং দর্মো অপামজঃ ।
স্থাতা রথস্য হর্যোরভিস্বর ইন্দ্রো দৃলহা চিদারুজঃ ॥২॥

45.3

গম্ভীরাঁ উদধীঁরিব ক্রতুং পুষ্যসি গা ইব ।
প্র সুগোপা যবসং ধেনবো যথা হ্রদং কুল্যা ইবাশত ॥৩॥

45.4

আ নস্তুজং রয়িং ভরাংশং ন প্রতিজানতে ।
বৃক্ষং পক্বং ফলমঙ্কীব ধূনুহীন্দ্র সম্পারণং বসু ॥৪॥

45.5

স্বয়ুরিন্দ্র স্বরালসি স্মদ্দিষ্টিঃ স্বয়শস্তরঃ ।
স বাবৃধান ওজসা পুরুষ্টুত ভবা নঃ সুশ্রবস্তমঃ ॥৫॥