সূক্ত 44

44.1

৫ গাথিনো বিশ্বামিত্রঃ। ইন্দ্রঃ। বৃহতী।

অয়ং তে অস্তু হর্যতঃ সোম আ হরিভিঃ সুতঃ ।
জুষাণ ইন্দ্র হরিভির্ন আ গহ্যা তিষ্ঠ হরিতং রথম্ ॥১॥

44.2

হর্যন্নুষসমর্চয়ঃ সূর্যং হর্যন্নরোচয়ঃ ।
বিদ্বাঁশ্চিকিত্বান্ হর্যশ্ব বর্ধস ইন্দ্র বিশ্বা অভি শ্রিয়ঃ ॥২॥

44.3

দ্যামিন্দ্রো হরিধায়সং পৃথিবীং হরিবর্পসম্ ।
অধারয়দ্ধরিতোর্ভূরি ভোজনং যয়োরন্তর্হরিশ্চরৎ ॥৩॥

44.4

জজ্ঞানো হরিতো বৃষা বিশ্বমা ভাতি রোচনম্ ।
হর্যশ্বো হরিতং ধত্ত আয়ুধমা বজ্রং বাহ্বোর্হরিম্ ॥৪॥

44.5

ইন্দ্রো হর্যন্তমর্জুনং বজ্রং শুক্রৈরভীবৃতম্ ।
অপাবৃণোদ্ধরিভিরদ্রিভিঃ সুতমুদ্ গা হরিভিরাজত ॥৫॥