সূক্ত 40

40.1

৯ গাথিনো বিশ্বামিত্রঃ। ইন্দ্রঃ। গায়ত্রী।

ইন্দ্র ত্বা বৃষভং বয়ং সুতে সোমে হবামহে । স পাহি মধ্বো অন্ধসঃ ॥১॥

40.2

ইন্দ্র ক্রতুবিদং সুতং সোমং হর্য পুরুষ্টুত । পিবা বৃষস্ব তাতৃপিম্ ॥২॥

40.3

ইন্দ্র প্র ণো ধিতাবানং যজ্ঞং বিশ্বেভির্দেবেভিঃ । তির স্তবান বিশ্পতে ॥৩॥

40.4

ইন্দ্র সোমাঃ সুতা ইমে তব প্র যন্তি সত্পতে । ক্ষয়ং চন্দ্রাস ইন্দবঃ ॥৪॥

40.5

দধিষ্বা জঠরে সুতং সোমমিন্দ্র বরেণ্যম্ । তব দ্যুক্ষাস ইন্দবঃ ॥৫॥

40.6

গির্বণঃ পাহি নঃ সুতং মধোর্ধারাভিরজ্যসে । ইন্দ্র ত্বাদাতমিদ্যশঃ ॥৬॥

40.7

অভি দ্যুম্নানি বনিন ইন্দ্রং সচন্তে অক্ষিতা । পীত্বী সোমস্য বাবৃধে ॥৭॥

40.8

অর্বাবতো ন আ গহি পরাবতশ্চ বৃত্রহন্ । ইমা জুষস্ব নো গিরঃ ॥৮॥

40.9

যদন্তরা পরাবতমর্বাবতং চ হূয়সে । ইন্দ্রেহ তত আ গহি ॥৯॥