সূক্ত 39

39.1

১০ গাথিনো বিশ্বামিত্রঃ। ইন্দ্রঃ। ত্রিষ্টুপ্।

ইন্দ্রং মতির্হৃদ আ বচ্যমানা ঽচ্ছা পতিং স্তোমতষ্টা জিগাতি ।
যা জাগৃবির্বিদথে শস্যমানেন্দ্র যত্তে জায়তে বিদ্ধি তস্য ॥১॥

39.2

দিবশ্চিদা পূর্ব্যা জায়মানা বি জাগৃবির্বিদথে শস্যমানা ।
ভদ্রা বস্ত্রাণ্যর্জুনা বসানা সেয়মস্মে সনজা পিত্র্যা ধীঃ ॥২॥

39.3

যমা চিদত্র যমসূরসূত জিহ্বায়া অগ্রং পতদা হ্যস্থাৎ ।
বপূংষি জাতা মিথুনা সচেতে তমোহনা তপুষো বুধ্ন এতা ॥৩॥

39.4

নকিরেষাং নিন্দিতা মর্ত্যেষু যে অস্মাকং পিতরো গোষু যোধাঃ ।
ইন্দ্র এষাং দৃংহিতা মাহিনাবানুদ্ গোত্রাণি সসৃজে দংসনাবান্ ॥৪॥

39.5

সখা হ যত্র সখিভির্নবগ্বৈরভিজ্ঞ্বা সত্বভির্গা অনুগ্মন্ ।
সত্যং তদিন্দ্রো দশভির্দশগ্বৈঃ সূর্যং বিবেদ তমসি ক্ষিয়ন্তম্ ॥৫॥

39.6

ইন্দ্রো মধু সম্ভৃতমুস্রিয়ায়াং পদ্বদ্ বিবেদ শফবন্নমে গোঃ ।
গুহা হিতং গুহ্যং গূলহমপ্সু হস্তে দধে দক্ষিণে দক্ষিণাবান্ ॥৬॥

39.7

জ্যোতির্বৃণীত তমসো বিজানন্নারে স্যাম দুরিতাদভীকে ।
ইমা গিরঃ সোমপাঃ সোমবৃদ্ধ জুষস্বেন্দ্র পুরুতমস্য কারোঃ ॥৭॥

39.8

জ্যোতির্যজ্ঞায় রোদসী অনু ষ্যাদারে স্যাম দুরিতস্য ভূরেঃ ।
ভূরি চিদ্ধি তুজতো মর্ত্যস্য সুপারাসো বসবো বর্হণাবৎ ॥৮॥

39.9

শুনং হুবেম মঘবানমিন্দ্রমস্মিন্ ভরে নৃতমং বাজসাতৌ ।
শৃণ্বন্তমুগ্রমূতয়ে সমত্সু ঘ্নন্তং বৃত্রাণি সংজিতং ধনানাম্ ॥৯॥