সূক্ত 28

28.1

৬ গাথিনো বিশ্বামিত্রঃ। অগ্নিঃ।১-২, ৬ গায়ত্রী, ৩ উষ্ণিক্, ৪ ত্রিষ্টুপ্, ৫ জগতী।

অগ্নে জুষস্ব নো হবিঃ পুরোলাশং জাতবেদঃ । প্রাতঃসাবে ধিয়াবসো ॥১॥

28.2

পুরোলা অগ্নে পচতস্তুভ্যং বা ঘা পরিষ্কৃতঃ । তং জুষস্ব যবিষ্ঠ্য ॥২॥

28.3

অগ্নে বীহি পুরোলাশমাহুতং তিরোঅহ্ন্যম্ । সহসঃ সূনুরস্যধ্বরে হিতঃ ॥৩॥

28.4

মাধ্যংদিনে সবনে জাতবেদঃ পুরোলাশমিহ কবে জুষস্ব ।
অগ্নে যহ্বস্য তব ভাগধেয়ং ন প্র মিনন্তি বিদথেষু ধীরাঃ ॥৪॥

28.5

অগ্নে তৃতীয়ে সবনে হি কানিষঃ পুরোলাশং সহসঃ সূনবাহুতম্ ।
অথা দেবেষ্বধ্বরং বিপন্যয়া ধা রত্নবন্তমমৃতেষু জাগৃবিম্ ॥৫॥

28.6

অগ্নে বৃধান আহুতিং পুরোলাশং জাতবেদঃ । জুষস্ব তিরোঅহ্ন্যম্ ॥৬॥