সূক্ত 26

26.1

৯ গাথিনো বিশ্বামিত্রঃ, ৭ আত্মা। ১-৩ বৈশ্বানরোঽগ্নিঃ, ৪-৬ মরুতঃ, ৭-৮ আত্মা (অগ্নির্বা), ৯ বিশ্বামিত্রোপধ্যায়ঃ।১-৬ জগতী, ৭-৯ ত্রিষ্টুপ্।

বৈশ্বানরং মনসাগ্নিং নিচায্যা হবিষ্মন্তো অনুষত্যং স্বর্বিদম্ ।
সুদানুং দেবং রথিরং বসূয়বো গীর্ভী রণ্বং কুশিকাসো হবামহে ॥১॥

তং শুভ্রমগ্নিমবসে হবামহে বৈশ্বানরং মাতরিশ্বানমুক্থ্যম্ ।
বৃহস্পতিং মনুষো দেবতাতয়ে বিপ্রং শ্রোতারমতিথিং রঘুষ্যদম্ ॥২॥

অশ্বো ন ক্রন্দঞ্জনিভিঃ সমিধ্যতে বৈশ্বানরঃ কুশিকেভির্যুগেয়ুগে ।
স নো অগ্নিঃ সুবীর্যং স্বশ্ব্যং দধাতু রত্নমমৃতেষু জাগৃবিঃ ॥৩॥

প্র যন্তু বাজাস্তবিষীভিরগ্নয়ঃ শুভে সম্মিশ্লাঃ পৃষতীরয়ুক্ষত ।
বৃহদুক্ষো মরুতো বিশ্ববেদসঃ প্র বেপয়ন্তি পর্বতাঁ অদাভ্যাঃ ॥৪॥

অগ্নিশ্রিয়ো মরুতো বিশ্বকৃষ্টয় আ ত্বেষমুগ্রমব ঈমহে বয়ম্ ।
তে স্বানিনো রুদ্রিয়া বর্ষনির্ণিজঃ সিংহা ন হেষক্রতবঃ সুদানবঃ ॥৫॥

ব্রাতংব্রাতং গণংগণং সুশস্তিভিরগ্নের্ভামং মরুতামোজ ঈমহে ।
পৃষদশ্বাসো অনবভ্ররাধসো গন্তারো যজ্ঞং বিদথেষু ধীরাঃ ॥৬॥

অগ্নিরস্মি জন্মনা জাতবেদা ঘৃতং মে চক্ষুরমৃতং ম আসন্ ।
অর্কস্ত্রিধাতূ রজসো বিমানোঽজস্রো ঘর্মো হবিরস্মি নাম ॥৭॥

ত্রিভিঃ পবিত্রৈরপুপোদ্ধ্য১র্কং হৃদা মতিং জ্যোতিরনু প্রজানন্ ।
বর্ষিষ্ঠং রত্নমকৃত স্বধাভিরাদিদ্ দ্যাবাপৃথিবী পর্যপশ্যৎ ॥৮॥

শতধারমুত্সমক্ষীয়মাণং বিপশ্চিতং পিতরং বক্ত্বানাম্ ।
মেলিং মদন্তং পিত্রোরুপস্থে তং রোদসী পিপৃতং সত্যবাচম্ ॥৯॥