সূক্ত 25

25.1

৫ গাথিনো বিশ্বামিত্রঃ। অগ্নিঃ, ৪ অগ্নীন্দ্রৌ। বিরাট্।

অগ্নে দিবঃ সূনুরসি প্রচেতাস্তনা পৃথিব্যা উত বিশ্ববেদাঃ ।
ঋধগ্দেবাঁ ইহ যজা চিকিত্বঃ ॥১॥

25.2

অগ্নিঃ সনোতি বীর্যাণি বিদ্বান্ ত্সনোতি বাজমমৃতায় ভূষন্ ।
স নো দেবাঁ এহ বহা পুরুক্ষো ॥২॥

25.3

অগ্নির্দ্যাবাপৃথিবী বিশ্বজন্যে আ ভাতি দেবী অমৃতে অমূরঃ ।
ক্ষয়ন্ বাজৈঃ পুরুশ্চন্দ্রো নমোভিঃ ॥৩॥

25.4

অগ্ন ইন্দ্রশ্চ দাশুষো দুরোণে সুতাবতো যজ্ঞমিহোপ যাতম্ ।
অমর্ধন্তা সোমপেয়ায় দেবা ॥৪॥

25.5

অগ্নে অপাং সমিধ্যসে দুরোণে নিত্যঃ সূনো সহসো জাতবেদঃ ।
সধস্থানি মহয়মান ঊতী ॥৫॥