সূক্ত 9

9.1

৬ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। অগ্নিঃ। ত্রিষ্টুপ্।

নি হোতা হোতৃষদনে বিদানস্ত্বেষো দীদিবাঁ অসদৎ সুদক্ষঃ ।
অদব্ধব্রতপ্রমতির্বসিষ্ঠঃ সহস্রম্ভরঃ শুচিজিহ্বো অগ্নিঃ ॥১॥

ত্বং দূতস্ত্বমু নঃ পরস্পাস্ত্বং বস্য আ বৃষভ প্রণেতা ।
অগ্নে তোকস্য নস্তনে তনূনামপ্রয়ুচ্ছন্ দীদ্যদ্ বোধি গোপাঃ ॥২॥

বিধেম তে পরমে জন্মন্নগ্নে বিধেম স্তোমৈরবরে সধস্থে ।
যস্মাদ্ যোনেরুদারিথা যজে তং প্র ত্বে হবীংষি জুহুরে সমিদ্ধে ॥৩॥

অগ্নে যজস্ব হবিষা যজীয়াঞ্ছ্রুষ্টী দেষ্ণমভি গৃণীহি রাধঃ ।
ত্বং হ্যসি রয়িপতী রয়ীণাং ত্বং শুক্রস্য বচসো মনোতা ॥৪॥

উভয়ং তে ন ক্ষীয়তে বসব্যং দিবেদিবে জায়মানস্য দস্ম ।
কৃধি ক্ষুমন্তং জরিতারমগ্নে কৃধি পতিং স্বপত্যস্য রায়ঃ ॥৫॥

সৈনানীকেন সুবিদত্রো অস্মে যষ্টা দেবাঁ আয়জিষ্ঠঃ স্বস্তি ।
অদব্ধো গোপা উত নঃ পরস্পা অগ্নে দ্যুমদুত রেবদ্ দিদীহি ॥৬॥