সূক্ত 10

10.1

৬ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। অগ্নিঃ। ত্রিষ্টুপ্।

জোহূত্রো অগ্নিঃ প্রথমঃ পিতেবেলস্পদে মনুষা যৎ সমিদ্ধঃ ।
শ্রিয়ং বসানো অমৃতো বিচেতা মর্মৃজেন্যঃ শ্রবস্য১ঃ স বাজী ॥১॥

10.2

শ্রূয়া অগ্নিশ্চিত্রভানুর্হবং মে বিশ্বাভির্গীর্ভিরমৃতো বিচেতাঃ ।
শ্যাবা রথং বহতো রোহিতা বোতারুষাহ চক্রে বিভৃত্রঃ ॥২॥

10.3

উত্তানায়ামজনয়ন্ ত্সূষূতং ভুবদগ্নিঃ পুরুপেশাসু গর্ভঃ ।
শিরিণায়াং চিদক্তুনা মহোভিরপরীবৃতো বসতি প্রচেতাঃ ॥৩॥

10.4

জিঘর্ম্যগ্নিং হবিষা ঘৃতেন প্রতিক্ষিয়ন্তং ভুবনানি বিশ্বা ।
পৃথুং তিরশ্চা বয়সা বৃহন্তং ব্যচিষ্ঠমন্নৈ রভসং দৃশানম্ ॥৪॥

10.5

আ বিশ্বতঃ প্রত্যঞ্চং জিঘর্ম্যরক্ষসা মনসা তজ্জুষেত ।
মর্যশ্রীঃ স্পৃহয়দ্বর্ণো অগ্নির্নাভিমৃশে তন্বা৩ জর্ভুরাণঃ ॥৫॥

10.6

জ্ঞেয়া ভাগং সহসানো বরেণ ত্বাদূতাসো মনুবদ্বদেম ।
অনূনমগ্নিং জুহ্বা বচস্যা মধুপৃচং ধনসা জোহবীমি ॥৬॥