সূক্ত 11

11.1

২১ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। ইন্দ্রঃ। বিরাট্ স্থানা, ২১ ত্রিষ্টুপ্।

শ্রুধী হবমিন্দ্র মা রিষণ্যঃ স্যাম তে দাবনে বসূনাম্ ।
ইমা হি ত্বামূর্জো বর্ধয়ন্তি বসূয়বঃ সিন্ধবো ন ক্ষরন্তঃ ॥১॥

11.2

সৃজো মহীরিন্দ্র যা অপিন্বঃ পরিষ্ঠিতা অহিনা শূর পূর্বীঃ ।
অমর্ত্যং চিদ্ দাসং মন্যমানমবাভিনদুক্থৈর্বাবৃধানঃ ॥২॥

11.3

উক্থেষ্বিন্নু শূর যেষু চাকন্ ত্স্তোমেষ্বিন্দ্র রুদ্রিয়েষু চ ।
তুভ্যেদেতা যাসু মন্দসানঃ প্র বায়বে সিস্রতে ন শুভ্রাঃ ॥৩॥

11.4

শুভ্রং নু তে শুষ্মং বর্ধয়ন্তঃ শুভ্রং বজ্রং বাহ্বোর্দধানাঃ ।
শুভ্রস্ত্বমিন্দ্র বাবৃধানো অস্মে দাসীর্বিশঃ সূর্যেণ সহ্যাঃ ॥৪॥

11.5

গুহা হিতং গুহ্যং গূলহমপ্স্বপীবৃতং মায়িনং ক্ষিয়ন্তম্ ।
উতো অপো দ্যাং তস্তভ্বাংসমহন্নহিং শূর বীর্যেণ ॥৫॥

11.6

স্তবা নু ত ইন্দ্র পূর্ব্যা মহান্যুত স্তবাম নূতনা কৃতানি ।
স্তবা বজ্রং বাহ্বোরুশন্তং স্তবা হরী সূর্যস্য কেতূ ॥৬॥

11.7

হরী নু ত ইন্দ্র বাজয়ন্তা ঘৃতশ্চুতং স্বারমস্বার্ষ্টাম্ ।
বি সমনা ভূমিরপ্রথিষ্টাঽরংস্ত পর্বতশ্চিৎ সরিষ্যন্ ॥৭॥

11.8

নি পর্বতঃ সাদ্যপ্রয়ুচ্ছন্ ত্সং মাতৃভির্বাবশানো অক্রান্ ।
দূরে পারে বাণীং বর্ধয়ন্ত ইন্দ্রেষিতাং ধমনিং পপ্রথন্ নি ॥৮॥

11.9

ইন্দ্রো মহাং সিন্ধুমাশয়ানং মায়াবিনং বৃত্রমস্ফুরন্নিঃ ।
অরেজেতাং রোদসী ভিয়ানে কনিক্রদতো বৃষ্ণো অস্য বজ্রাৎ ॥৯॥

11.10

অরোরবীদ্ বৃষ্ণো অস্য বজ্রো ঽমানুষং যন্মানুষো নিজূর্বাৎ ।
নি মায়িনো দানবস্য মায়া অপাদয়ৎ পপিবান্ ত্সুতস্য ॥১০॥

11.11

পিবাপিবেদিন্দ্র শূর সোমং মন্দন্তু ত্বা মন্দিনঃ সুতাসঃ ।
পৃণন্তস্তে কুক্ষী বর্ধয়ন্ত্বিত্থা সুতঃ পৌর ইন্দ্রমাব ॥১১॥

11.12

ত্বে ইন্দ্রাপ্যভূম বিপ্রা ধিয়ং বনেম ঋতয়া সপন্তঃ ।
অবস্যবো ধীমহি প্রশস্তিং সদ্যস্তে রায়ো দাবনে স্যাম ॥১২॥

11.13

স্যাম তে ত ইন্দ্র যে ত ঊতী অবস্যব ঊর্জং বর্ধয়ন্তঃ ।
শুষ্মিন্তমং যং চাকনাম দেবাঽস্মে রয়িং রাসি বীরবন্তম্ ॥১৩॥

11.14

রাসি ক্ষয়ং রাসি মিত্রমস্মে রাসি শর্ধ ইন্দ্র মারুতং নঃ ।
সজোষসো যে চ মন্দসানাঃ প্র বায়বঃ পান্ত্যগ্রণীতিম্ ॥১৪॥

11.15

ব্যন্ত্বিন্নু যেষু মন্দসানস্তৃপৎ সোমং পাহি দ্রহ্যদিন্দ্র ।
অস্মান্ ত্সু পৃত্স্বা তরুত্রাঽবর্ধয়ো দ্যাং বৃহদ্ভিরর্কৈঃ ॥১৫॥

11.16

বৃহন্ত ইন্নু যে তে তরুত্রোক্থেভির্বা সুম্নমাবিবাসান্ ।
স্তৃণানাসো বর্হিঃ পস্ত্যাবত্ত্বোতা ইদিন্দ্র বাজমগ্মন্ ॥১৬॥

11.17

উগ্রেষ্বিন্নু শূর মন্দসানস্ত্রিকদ্রুকেষু পাহি সোমমিন্দ্র ।
প্রদোধুবচ্ছ্মশ্রুষু প্রীণানো যাহি হরিভ্যাং সুতস্য পীতিম্ ॥১৭॥

11.18

ধিষ্বা শবঃ শূর যেন বৃত্রমবাভিনদ্ দানুমৌর্ণবাভম্ ।
অপাবৃণোর্জ্যোতিরার্যায় নি সব্যতঃ সাদি দস্যুরিন্দ্র ॥১৮॥

11.19

সনেম যে ত ঊতিভিস্তরন্তো বিশ্বাঃ স্পৃধ আর্যেণ দস্যূন্ ।
অস্মভ্যং তৎ ত্বাষ্ট্রং বিশ্বরূপমরন্ধয়ঃ সাখ্যস্য ত্রিতায় ॥১৯॥

11.20

অস্য সুবানস্য মন্দিনস্ত্রিতস্য ন্যর্বুদং বাবৃধানো অস্তঃ ।
অবর্তয়ৎ সূর্যো ন চক্রং ভিনদ্ বলমিন্দ্রো অঙ্গিরস্বান্ ॥২০॥

11.21

নূনং সা তে প্রতি বরং জরিত্রে দুহীয়দিন্দ্র দক্ষিণা মঘোনী ।
শিক্ষা স্তোতৃভ্যো মাতি ধগ্ভগো নো বৃহদ্ বদেম বিদথে সুবীরাঃ ॥