সূক্ত 5

5.1

৮ সোমাহুতির্ভার্গবঃ। অগ্নিঃ। অনুষ্টুপ্।

হোতাজনিষ্ট চেতনঃ পিতা পিতৃভ্য ঊতয়ে ।
প্রয়ক্ষঞ্জেন্যং বসু শকেম বাজিনো যমম্ ॥১॥

আ যস্মিন্ ত্সপ্ত রশ্ময়স্ততা যজ্ঞস্য নেতরি ।
মনুষ্বদ্ দৈব্যমষ্টমং পোতা বিশ্বং তদিন্বতি ॥২॥

দধন্বে বা যদীমনু বোচদ্ ব্রহ্মাণি বেরু তৎ ।
পরি বিশ্বানি কাব্যা নেমিশ্চক্রমিবাভবৎ ॥৩॥

সাকং হি শুচিনা শুচিঃ প্রশাস্তা ক্রতুনাজনি ।
বিদ্বাঁ অস্য ব্রতা ধ্রুবা বয়া ইবানু রোহতে ॥৪॥

তা অস্য বর্ণমায়ুবো নেষ্টুঃ সচন্ত ধেনবঃ ।
কুবিৎ তিসৃভ্য আ বরং স্বসারো যা ইদং যয়ুঃ ॥৫॥

যদী মাতুরুপ স্বসা ঘৃতং ভরন্ত্যস্থিত ।
তাসামধ্বর্যুরাগতৌ যবো বৃষ্টীব মোদতে ॥৬॥

স্বঃ স্বায় ধায়সে কৃণুতামৃত্বিগৃত্বিজম্ ।
স্তোমং যজ্ঞং চাদরং বনেমা ররিমা বয়ম্ ॥৭॥

যথা বিদ্বাঁ অরং করদ্ বিশ্বেভ্যো যজতেভ্যঃ ।
অয়মগ্নে ত্বে অপি যং যজ্ঞং চকৃমা বয়ম্ ॥৮॥