সূক্ত 6

6.1

৮ সোমাহুতির্ভার্গবঃ। অগ্নিঃ। গায়ত্রী।

ইমাং মে অগ্নে সমিধমিমামুপসদং বনেঃ । ইমা উ ষু শ্রুধী গিরঃ ॥১॥

6.2

অয়া তে অগ্নে বিধেমোর্জো নপাদশ্বমিষ্টে । এনা সূক্তেন সুজাত ॥২॥

6.3

তং ত্বা গীর্ভির্গির্বণসং দ্রবিণস্যুং দ্রবিণোদঃ । সপর্যেম সপর্যবঃ ॥৩॥

6.4

স বোধি সূরির্মঘবা বসুপতে বসুদাবন্ । যুয়োধ্য১স্মদ্ দ্বেষাংসি ॥৪॥

6.5

স নো বৃষ্টিং দিবস্পরি স নো বাজমনর্বাণম্ । স নঃ সহস্রিণীরিষঃ ॥৫॥

6.6

ঈলানায়াবস্যবে যবিষ্ঠ দূত নো গিরা । যজিষ্ঠ হোতরা গহি ॥৬॥

6.7

অন্তর্হ্যগ্ন ঈয়সে বিদ্বান্ জন্মোভয়া কবে । দূতো জন্যেব মিত্র্যঃ ॥৭॥

6.8

স বিদ্বাঁ আ চ পিপ্রয়ো যক্ষি চিকিত্ব আনুষক্ । আ চাস্মিন্ ত্সত্সি বর্হিষি ॥৮॥