সূক্ত 4

4.1

৯ সোমাহুতির্ভার্গবঃ। অগ্নিঃ। ত্রিষ্টুপ্।

হুবে বঃ সুদ্যোত্মানং সুবৃক্তিং বিশামগ্নিমতিথিং সুপ্রয়সম্ ।
মিত্র ইব যো দিধিষায্যো ভূদ্ দেব আদেবে জনে জাতবেদাঃ ॥১॥

4.2

ইমং বিধন্তো অপাং সধস্থে দ্বিতাদধুর্ভৃগবো বিক্ষ্বা৩য়োঃ ।
এষ বিশ্বান্যভ্যস্তু ভূমা দেবানামগ্নিররতির্জীরাশ্বঃ ॥২॥

4.3

অগ্নিং দেবাসো মানুষীষু বিক্ষু প্রিয়ং ধুঃ ক্ষেষ্যন্তো ন মিত্রম্ ।
স দীদয়দুশতীরূর্ম্যা আ দক্ষায্যো যো দাস্বতে দম আ ॥৩॥

4.4

অস্য রণ্বা স্বস্যেব পুষ্টিঃ সংদৃষ্টিরস্য হিয়ানস্য দক্ষোঃ ।
বি যো ভরিভ্রদোষধীষু জিহ্বামত্যো ন রথ্যো দোধবীতি বারান্ ॥৪॥

4.5

আ যন্মে অভ্বং বনদঃ পনন্তোশিগ্ভ্যো নামিমীত বর্ণম্ ।
স চিত্রেণ চিকিতে রংসু ভাসা জুজুর্বাঁ যো মুহুরা যুবা ভূৎ ॥৫॥

4.6

আ যো বনা তাতৃষাণো ন ভাতি বার্ণ পথা রথ্যেব স্বানীৎ ।
কৃষ্ণাধ্বা তপূ রণ্বশ্চিকেত দ্যৌরিব স্ময়মানো নভোভিঃ ॥৬॥

4.7

স যো ব্যস্থাদভি দক্ষদুর্বীং পশুর্নৈতি স্বয়ুরগোপাঃ ।
অগ্নিঃ শোচিষ্মাঁ অতসান্যুষ্ণন্ কৃষ্ণব্যথিরস্বদয়ন্ন ভূম ॥৭॥

4.8

নূ তে পূর্বস্যাবসো অধীতৌ তৃতীয়ে বিদথে মন্ম শংসি ।
অস্মে অগ্নে সংয়দ্বীরং বৃহন্তং ক্ষুমন্তং বাজং স্বপত্যং রয়িং দাঃ ॥৮॥

4.9

ত্বয়া যথা গৃত্সমদাসো অগ্নে গুহা বন্বন্ত উপরাঁ অভি ষ্যুঃ ।
সুবীরাসো অভিমাতিষাহঃ স্মৎ সূরিভ্যো গৃণতে তদ্ বয়ো ধাঃ ॥৯॥