সূক্ত 22

22.1

৪ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। ইন্দ্রঃ।১ অষ্টিঃ, ২-৩ অতিশক্বরী, ৪ অষ্টিঃ অতিশক্বরী বা।

ত্রিকদ্রুকেষু মহিষো যবাশিরং তুবিশুষ্মস্তৃপৎ সোমমপিবদ্ বিষ্ণুনা সুতং যথাবশৎ ।
স ঈং মমাদ মহি কর্ম কর্তবে মহামুরুং সৈনং সশ্চদ্ দেবো দেবং সত্যমিন্দ্রং সত্য ইন্দুঃ ॥১॥

22.2

অধ ত্বিষীমাঁ অভ্যোজসা ক্রিবিং যুধাভবদা রোদসী অপৃণদস্য মজ্মনা প্র বাবৃধে ।
অধত্তান্যং জঠরে প্রেমরিচ্যত সৈনং সশ্চদ্ দেবো দেবং সত্যমিন্দ্রং সত্য ইন্দুঃ ॥২॥

22.3

সাকং জাতঃ ক্রতুনা সাকমোজসা ববক্ষিথ সাকং বৃদ্ধো বীর্যৈঃ সাসহির্মৃধো বিচর্ষণিঃ ।
দাতা রাধঃ স্তুবতে কাম্যং বসু সৈনং সশ্চদ্ দেবো দেবং সত্যমিন্দ্রং সত্য ইন্দুঃ ॥৩॥

22.4

তব ত্যন্নর্যং নৃতোঽপ ইন্দ্র প্রথমং পূর্ব্যং দিবি প্রবাচ্যং কৃতম্ ।
যদ্ দেবস্য শবসা প্রারিণা অসুং রিণন্নপঃ ।
ভুবদ্ বিশ্বমভ্যাদেবমোজসা বিদাদূর্জং শতক্রতুর্বিদাদিষম্ ॥৪॥